ఆగ‌స్టు 12న విడుద‌ల కావాల్సిన జ‌న‌తా గ్యారేజ్ సెప్టెంబ‌రు 2కి వాయిదా ప‌డిపోయింది. ఆగ‌స్టు 12నే ఈ సినిమా వ‌చ్చుంటే.. ఈ పాటికి జ‌న‌తా గ్యారేజ్ ఆడియో కూడా బ‌య‌ట‌కు వ‌చ్చేసుండేది. ప్ర‌మోష‌న్లు ఓ రేంజులో జ‌రుగుతుండేవి. సినిమా ఆల‌స్యం అవ్వ‌డంతో.. ఆడియో వేడుక కూడా లేట్‌గా జ‌రుగుతోంది. జ‌న‌తా గ్యారేజ్ ఆడియో ఫంక్ష‌న్ ఎప్పుడు చేయాలి? ఎక్క‌డ చేయాలి? అనే విష‌యంపై చిత్ర‌బృందం మ‌ల్లగుల్లాలు ప‌డుతోంది. ఆగ‌స్టు 15న జ‌రిపితే ఎలా ఉంటుంద‌న్న ఆలోచ‌న కూడా ఉంద‌ట. అయితే ఆ రోజు ప‌ర్మిష‌న్లు దొరుకుతాయా? లేదా? అని ఆలోచిస్తున్నారు.
ఒక‌వేళ ఆగ‌స్టు 15న ప‌ర్మిష‌న్ దొర‌క్క‌పోతే ఆగ‌స్టు 14న జ‌ర‌పాల‌ని చిత్ర‌బృందం భావిస్తుంది. పాట‌ల్ని హైద‌రాబాద్‌లోనే విడుద‌ల చేసి, ఆడియో స‌క్సెస్ మీట్ మాత్రం తిరుప‌తి, విశాఖ‌ప‌ట్నం, విజ‌య‌వాడ‌లాంటి ప్లేస్‌లో ఎరేంజ్ చేయాల‌ని చూస్తోంద‌ట. ఆడియో డేట్ ఎప్పుడ‌నే విష‌యంపై నాలుగైదు రోజుల్లో ఓ క్లారిటీ వ‌చ్చే అవ‌కాశం ఉంది. ప్ర‌స్తుతం ప్యాచ్ వ‌ర్క్ తో పాటు పోస్ట్ ప్రొడ‌క్ష‌న్ కార్య‌క్ర‌మాలు జ‌రుపుకొంటున్న ఈ చిత్రానికి దేవిశ్రీ ప్ర‌సాద్ సంగీతం అందిస్తున్న సంగతి తెలిసిందే.
