ఆర్ఆర్ఆర్ తర్వాత కొర‌టాల శివ ద‌ర్శ‌క‌త్వంలో సినిమాకి రెడీ అవుతున్నారు ఎన్టీఆర్. నంద‌మూరి క‌ళ్యాణ్ రామ్ స‌మ‌ర్ప‌ణ‌లో కొస‌రాజు హ‌రికృష్ణ‌, సుధాక‌ర్ మిక్కిలినేని ఈ చిత్రాన్ని నిర్మిస్తున్నారు. ఈ చిత్రంలో ఎన్టీఆర్ స‌ర‌స‌న బాలీవుడ్ బ్యూటీ జాన్వీ క‌పూర్ హీరోయిన్‌గా న‌టిస్తుంది.

ఈ రోజు జాన్వీ క‌పూర్ పుట్టిన‌రోజు. ఈ సందర్బంగా మేక‌ర్స్ ఈ విష‌యాన్ని అధికారికంగా ప్ర‌క‌టిస్తూ పోస్ట‌ర్‌ను విడుద‌ల చేశారు. జాన్వి కపూర్ టాలీవుడ్ ఎంట్రీ పై ఎప్పటి నుంచో చర్చలు జరుగుతున్నాయి. ఫైనల్ గా ఎన్టీఆర్ సినిమాతో ఆమె గ్రాండ్ ఎంట్రీ ఇస్తోంది. ఈ నెల‌లోనే సినిమాను లాంఛ‌నంగా ప్రాంభించి షూటింగ్‌ను మొదలుపెడతారు. ‘జనతా గ్యారేజ్‌’ లాంటి హిట్‌ తర్వాత ఎన్టీఆర్‌ – కొరటాల కలయిక నుంచి వస్తున్న చిత్రం కావడంతో.. దీనిపై ప్రేక్షకుల్లో భారీ అంచనాలు నెలకొన్నాయి.