కొరియో గ్రాఫ‌ర్‌గా జానీమాస్ట‌ర్ తెలుగు ప్రేక్ష‌కుల‌కు చిర ప‌రిచితుడే! ఇటీవ‌లే ‘తిరు’ చిత్రానికి గానూ ఆయ‌న ఉత్త‌మ నృత్య ద‌ర్శ‌కుడిగా జాతీయ అవార్డు కూడా సాధించారు. జ‌న‌సేన‌కు బ‌ల‌మైన స‌పోర్ట‌ర్‌. పవన్ అంటే త‌న‌కు ఎంత అభిమాన‌మో.. ఆయ‌న మాట‌ల్ని బ‌ట్టి అర్థం అవుతుంటుంది. జ‌న‌సేన కోసం ఆయ‌న ప్ర‌చారం చేశారు. పార్టీ టికెట్ కూడా ఆశించారు, కానీ పొత్తు ధ‌ర్మం వ‌ల్ల ఆయ‌న‌కు టికెట్ ద‌క్క‌లేదు. అయినా స‌రే, నిజాయ‌తీగా పార్టీకి సేవ చేశారు. ఓ పాట కూడా జ‌న‌సేన కోసం రూపొందించారు. పాట బాగా క్లిక్ అయ్యింది.
ఇప్పుడు ఇదే జానీ మాస్ట‌ర్ ఓ రేప్ కేసులో ఇరుకొన్నారు. జానీతన‌పై ప‌లుమార్లు హ‌త్యాప్ర‌య‌త్నానికి పాల్ప‌డ్డాడ‌ని నార్సింగ్ పోలీస్ స్టేష‌న్ లో ఓ మ‌హిళ ఫిర్యాదు చేసింది. ఈ మేర‌కు పోలీసులు జానీపై కేసు న‌మోదు చేసి ద‌ర్యాప్తు ప్రారంభించారు. జానీపై క్లీన్ ఇమేజ్ ఉంది. త‌న‌పై ఇప్ప‌టి వ‌ర‌కూ ఎలాంటి కంప్లైంటూ బ‌య‌ట‌కు రాలేదు. త‌ప్పు చేస్తే జానీ శిక్ష అనుభ‌వించాల్సిందే. కానీ జానీపై కేసు విష‌యంలో కుట్ర కోణం ఏదైనా ఉందా? ఆయ‌న్ని కావాల‌ని ఇరికించాల‌ని చూస్తున్నారా? అనే అనుమానాలు వ్య‌క్తం చేస్తున్నారు. జానీ చాలా మంచోడ‌ని, ఆయ‌న మ‌హిళల ప‌ట్ల గౌర‌వంగా మ‌సులుకొంటార‌ని జానీ స‌న్నిహితులు చెబుతున్నారు. రాజ‌కీయంగానూ ఎద‌గాల‌నుకొంటున్న త‌రుణంలో జానీపై కావాల‌ని ఎవ‌రైనా ఇరుకున ప‌డేయాల‌ని ప్ర‌య‌త్నిస్తున్నారా, లేదంటే… నిజంగానే జానీ ఈ త‌ప్పు చేశారా? అనే విష‌యాలు నిర్ణ‌యించాల్సింది పోలీసులూ, న్యాయ స్థానాలే. కాక‌పోతే.. కొంత‌కాలం పాటు టాలీవుడ్ లో మాట్లాడుకోవ‌డానికి, రాజకీయంగా ఒక‌రిపై మ‌రొక‌రు బుర‌ద చ‌ల్లుకోవ‌డానికీ ఓ హాట్ టాపిక్ దొరికిన‌ట్టైంది.
