న‌వీన్ పొలిశెట్టి, ప్రియ‌ద‌ర్శి, రాహుల్ రామ‌కృష్ణ క‌థానాయ‌కులుగా స్వ‌ప్న సినిమాస్ సంస్థ ఓ చిత్రాన్ని నిర్మిస్తున్న సంగ‌తి తెలిసిందే. అనుదీప్ ద‌ర్శ‌కుడు. ఈ చిత్రానికి ‘జాతి ర‌త్నాలు’ అనే టైటిల్ ఫిక్స్ చేశారు.

ఏజెంట్ సాయిశ్రీ‌నివాస్ ఆత్రేయ‌తో ఆక‌ట్టుకున్నాడు న‌వీన్ పొలిశెట్టి. అందులో త‌న కామెడీ టైమింగ్ భ‌లే బాగుంటుంది. స‌రిగ్గా త‌న కామెడీ టైమింగ్‌కి సూట‌య్యే పాత్ర మ‌రోసారి పోషించ‌నున్నాడు. ప్రియ‌ద‌ర్శి, రాహుల్ రామ‌కృష్ణ… ఇద్ద‌రివీ అల్ల‌రి మొహాలే. దాన్ని బ‌ట్టి.. ఈ సినిమా ఎలా సాగుతుందో అర్థం చేసుకోవ‌చ్చు. `మ‌హాన‌టి`లాంటి మంచి సినిమా తీసిన నాగ అశ్విన్ ఈ సినిమాకి నిర్మాత‌గా వ్య‌వ‌హ‌రించ‌బోతున్నాడు. దాదాపు 75 శాతం చిత్రీక‌ర‌ణ పూర్త‌యింది. ఈ చిత్రానికి ర‌థన్ సంగీతం అందిస్తున్నాడు.