జూనియర్ ఎన్టీఆర్ కెరీర్ లోనే అత్యంత స్టైలిష్ గా, కొత్తగా తీసిన నాన్నకు ప్రేమతో మూవీకి మంచి రెస్పాన్స్ రావడంతో.. మూవీ యూనిట్ అంతా ఉబ్బి తబ్బిబ్బవుతోంది. సినిమా చూసిన వాళ్లంతా.. తారక్ ని ఆకాశానికెత్తేస్తున్నారు. తారక్ అలా చేశాడు.. ఇలా చేశాడు.. అద్భుతంగా చేశాడంటూ.. మెచ్చుకుంటున్నారు. అయితే ఈ సారి.. నాన్నకు ప్రేమతో సక్సెస్ మీట్ లో.. ఆ డ్యూటీని తారక్ తీసుకున్నాడు.

నాన్నకు ప్రేమతో మూవీలో యాక్ట్ చేసిన నటులని, టెక్నీషియన్లని పొగడ్తలతో ముంచెత్తాడు. సినిమా టైటిల్ కి తగ్గట్టే… చాలా ఎమోషనల్ గా మాట్లాడి.. అందరి గుండెలు పిండేశాడు. అయితే అంత ఎమోషన్ మధ్యలో కూడా.. కొంచెం కొత్తగా కనిపించిందో సీన్. జూనియర్ ఎవరి గురించి మాట్లాడితే.. వారంతా వచ్చి.. తారక్ ని హగ్ చేసుకుంటూ.. ఎమోషనల్ గా ఫీలయ్యారు. డైరెక్టర్ సుకుమార్, ప్రొడ్యూసర్ బీవీఎస్ఎన్ ప్రసాద్, హీరోయిన్ రకుల్ ప్రీత్ సింగ్, జగపతిబాబు, రాజేంద్ర ప్రసాద్.. ఇలా ఎవరి గురించి మాట్లాడినప్పుడు.. వారంతా లేచి.. తారక్ కి హగ్స్ ఇచ్చారు. దీంతో.. ఎమోషన్ కాస్తా.. కామెడీ అయిపోయింది. రాజేంద్రప్రసాద్ మరో అడుగు ముందుకేసి.. తారక్ కి ఓ కిస్ కూడా ఇచ్చాడు.

ఈ తతంగం అంతా తట్టకోలేక చివరకు అందర్నీ కూర్చోబెట్టే మాట్లాడాడు తారక్. రాజీవ్ కనకాల, శ్రీనివాస్‌ అవసరాలని పొగడ్తల్లో ముంచెత్తాడు. వాళ్లు కూడా లేచి హగ్ చేసుకోబోతే.. వారిని కూర్చోబెట్టేశాడు. ఇలా ఓ ఎమోషనల్ గా సాగిన సక్సెస్ మీట్ లో… చివరకు కామెడీగా ఎండ్ అవ్వడం చూసి.. అక్కడున్న అందరూ కూడా హ్యాపీగా ఫీలయ్యారు.

https://www.youtube.com/watch?v=e81s-8rmjrg