ఎన్టీఆర్ త్రిపాత్రాభిన‌యం పోషిస్తున్న చిత్రం ‘జై ల‌వ‌కుశ‌’. బాబి ద‌ర్శ‌క‌త్వం వ‌హిస్తున్నాడు. ఈనెల 19న ఫ‌స్ట్ లుక్ విడుద‌ల చేయ‌బోతోంది చిత్ర‌బృందం. ఈలోగా ఈ సినిమాకి సంబంధించిన ఓ ఆస‌క్తిక‌ర‌మైన అంశం వెలుగులోకి వ‌చ్చింది. ఈ సినిమాలో ఎన్టీఆర్ చేయ‌బోయే మూడు పాత్ర‌లేమిటో క్లూ దొరికేసింది. ఓపాత్ర‌లో బ్యాంకు ఉద్యోగిగా క‌నిపించ‌బోతున్నాడు ఎన్టీఆర్‌. మ‌రో పాత్ర దొంగ‌. మూడో పాత్ర ప‌ర్‌ఫెక్ట్ విల‌న్‌. ఈ మూడు పాత్ర‌ల‌కూ ఉన్న లింకేమిట‌న్న‌ది వెండి తెర‌పై చూడాల్సిందే. ఎన్టీఆర్ క్లాసిక‌ల్ డాన్స‌ర్ గా క‌నిపించ‌బోతున్నాడ‌ని ఓ వార్త జోరుగా ప్ర‌చారం జ‌రుగుతోంది. అదంతా రూమ‌రే. ఎన్టీఆర్ చేయ‌బోయే మూడు పాత్ర‌ల్లో క్లాసిక‌ల్ డాన్స‌ర్ పాత్రే లేదు. దేవిశ్రీ ప్ర‌సాద్ సంగీతం అందిస్తున్న ఈ చిత్రంలో రాశీఖ‌న్నా, నివేదా థామ‌స్ క‌థానాయిక‌లుగా న‌టిస్తున్నారు.