యంగ్ టైగర్ జూ.ఎన్టీఆర్ నటించిన నాన్నకు ప్రేమతో సినిమాపై భిన్నమయిన స్పందనలు వస్తునప్పటికీ, సినిమా విడుదలయిన మొదటి రోజు నుండి ప్రపంచ వ్యాప్తంగా అన్ని ధియేటర్లలో హౌస్ ఫుల్ గా నడుస్తూ మంచి కలెక్షన్లు రాబట్టుకొంటోంది. విడుదలయిన మొదటి మూడురోజులలోనే రూ.30 కోట్లకి పైగా వసూలు చేసింది. ఇంతవరకు జూ.ఎన్టీఆర్ సినిమాలు రూ.50 కోట్లు రాబట్టలేకపోయాయి. కానీ మొదటిసారిగా నాన్నకు ప్రేమతో సినిమా జూ.ఎన్టీఆర్ కి ఆ క్రెడిట్ అందించబోతోందని స్పష్టమవుతోంది. జనవరి 13నుండి 19వరకు సుమారు రూ.40కోట్లకి పైగా వసూలు అయినట్లు తెలుస్తోంది. కనుక మరొక రెండు మూడు రోజుల్లోనే కలెక్షన్లు రూ.50 కోట్లు దాటేయవచ్చును. జూ.ఎన్టీఆర్ నటించిన ఈ 25వ సినిమా అతనికి 50 కోట్లు వసూలు చేయడం అతనికి, అభిమానులకు చాలా ఆనందం కలిగిస్తోంది. ఈ సినిమాలో జూ.ఎన్టీఆర్ జగపతిబాబులు పోటీపడి అద్భుతంగా నటించారు. దానిని దర్శకుడు సుకుమార్ అద్భుతంగా తెరకెక్కించగలిగాడు. అందుకే సినిమాపై మిశ్రమ స్పందన వస్తునప్పటికీ అభిమానులు, ప్రేక్షకులు జూ.ఎన్టీఆర్ కి ప్రేమతో ఈ విజయాన్ని అందించారు.