సౌత్ ఇండియన్ సూపర్ స్టార్ రజినికాంత్ నటిస్తున్న సినిమా ‘కబాలి’. పా.రంజిత్ డైరెక్ట్ చేస్తున్న ఈ సినిమా ఫస్ట్ లుక్ పోస్టర్ నుండి అంచనాలు అదరగొడుతుంది. ఇక కొచ్చాడియన్, లింగా సినిమాల షాక్ లో ఉన్న రజిని రాబోతున్న కబాలితో ఎలాగైనా సూపర్ హిట్ కొట్టాలనుకుంటున్నాడు. భాషా తర్వాత రజిని నటిస్తున్న మాఫియా డాన్ సినిమాగా అభిమానుల్లో భారీ అంచనాలు ఏర్పడేలా చేసింది ఈ చిత్రం. అయితే సినిమా ఎక్కువ భాగం మలేషియాలో షూట్ చేయడం వల్ల సినిమాను అనుకున్న టైంకు తీసుకురాలేకపోతున్నారు దర్శక నిర్మాతలు.
కబాలి ఏప్రిల్ నెలలో వస్తుంది ముందు ఎనౌన్స్ చేశారు. ఇక మే నెలలో అయినా వస్తుందా అంటే కష్టమే అంటున్నారు. అయితే తెలుస్తున్న సమాచారం ప్రకారం ఈ సినిమా రిలీజ్ ను జూన్ 3న ఫిక్స్ చేశారని కోలీవుడ్ టాక్. మే 1న ఈ సినిమా టీజర్ ను రిలీజ్ చేయబోతున్నారట. కళైపులి ఎస్. థను నిర్మిస్తున్న ఈ సినిమాలో రాధికా ఆప్టె హీరోయిన్ గా నటిస్తుంది. మరి భారీ అంచనాలతో వస్తున్న ఈ కబాలి ఎన్ని సంచలనాలు సృష్టిస్తాడో చూడాలి.
