సౌత్ సినిమాల్లో సూపర్ క్రేజ్ తెచ్చుకున్న కాజల్ అగర్వాల్ దాదాపు కెరియర్ అయిపోయిందని.. ఇక అమ్మడు సినిమాలకు గుడ్ బై చెప్పి చెల్లిలానే పెళ్లి చేసుకుంటుందని ఏవేవో ఊహాగానాలు వచ్చాయి. అమ్మడు ఆలోచనలు కూడా దానికి ఊతమిచ్చే విధంగా ఉండటంతో నిజమే అనుకున్నారంతా.. కాని చూస్తుంటే వరుసెంట సినిమాలతో మళ్లీ బిజీ అయిపోయింది ఈ హాట్ బ్యూటీ. తన నటనతో ఆడియెన్స్ ని ఆకట్టుకుంటున్న ఈ భామ ప్రస్తుతం తెలుగులో బ్రహ్మోత్సవం, సర్ధార్ సినిమాలు చేస్తుంది.

ఓ పక్క తెలుగు సినిమాలు చేస్తూనే మరో పక్క కోలీవుడ్ క్రేజీ సినిమాలకు సైన్ చేసింది. రీసెంట్ మారి, పాయుం పులి సినిమాలతో తమిళ తంబీలను అలరించిన భామ చియాన్ విక్రం నటించబోయే తర్వాత సినిమాలో హీరోయిన్ గా ఛాన్స్ కొట్టేసిందట. తెలుగు డైనమైట్ మాతృక తమిళ్ సినిమా ‘అరిమా నంబి’ దర్శకుడు ఆనంద్ శంకర్ చేయబోతున్న సినిమాలో విక్రం హీరోగా చేస్తుండగా హీరోయిన్ గా ఎవరిని తీసుకుందామా తెగ ఆలోచించిన చిత్ర యూనిట్ ఫైనల్ గా చందమామకు ఓకే చెప్పారట.

దాదాపు 50 కోట్ల బడ్జెట్ తో రూపొందబోతున్న ఈ సినిమా విక్రం లేటెస్ట్ సినిమా ’10 ఎన్రదుకుల్ల’ షూటింగ్ అయిపోగానే స్టార్ట్ అవుతుందట. మరి క్రేజీ ప్రాజెక్ట్స్ తో దూసుకెళ్తున్న కాజల్ ని చూస్తుంటే మరో మూడేళ్లు కూడా సౌత్ సినిమాలను షేక్ చేసేలానే ఉంది.