చిత్ర‌సీమ‌లో అడుగుపెట్టి ఇన్నేళ్ల‌యినా కాజ‌ల్ గ్లామ‌ర్ ఏమాత్రం త‌గ్గ‌లేదు. ల‌క్ష్మీక‌ల్యాణంలో ఎలా ఎందో, ఇప్ప‌టికీ అలానే ఉంది. కాక‌పోతే రెండు మూడు సినిమాలుగా కాజ‌ల్ లుక్ కాస్త మారింది. ‘సీత‌’లో అయితే మ‌రీ డ‌ల్ అయిపోయింది. గ్లామ‌ర్ కంటే పెర్‌ఫార్మెన్స్ వైపే ఎక్కువ దృష్టి పెట్ట‌డం వ‌ల్లేమో – కాజ‌ల్‌లో ఇది వ‌ర‌క‌టి క‌ళ క‌నిపించ‌లేదు. అయితే ఇప్ప‌డు ‘ర‌ణ‌రంగం’ లుక్ బ‌య‌ట‌కు వ‌చ్చింది. ఈరోజు కాజ‌ల్ పుట్టిన రోజు సంద‌ర్భంగా ఈ సినిమాలోని కాజ‌ల్ లుక్‌ని విడుద‌ల చేశారు. ఈసారి మాత్రం కాజ‌ల్ ఏమాత్రం నిరాశ ప‌ర‌చ‌లేదు. ఐదారేళ్ల క్రితం ఎలా ఉందో.. అచ్చం అలానే ఆ మాట‌కొస్తే అంత‌కంటే ఒకింత ఎక్కువ గ్లామ‌ర్‌గానే క‌నిపించింది. శ‌ర్వా ప‌క్క‌న కాజ‌ల్ ఏంటి? జోడీ బాగుంటుందా? అని అనుమానాలు వ‌స్తున్న నేప‌థ్యంలో ఈ స్టిల్ కాస్త ఉప‌శ‌మ‌నం క‌లిగించేలానే ఉంది. కాజూ పాప ఇదే లుక్ కొన‌సాగిస్తే మాత్రం మ‌రో రెండు మూడేళ్లు త‌న కెరీర్‌కి ఢోకా లేన‌ట్టే. ఈ యేడాది నిర్మాణ రంగంలోనూ అడుగుపెట్టాల‌ని భావిస్తున్న కాజ‌ల్ కు అక్క‌డే మంచి ఫ‌లితాలే రావాల‌ని ఆశిస్తూ.. హ్యాపీ బ‌ర్త్‌డే కాజ‌ల్!