క‌మ్ బ్యాక్ అంటే డెఫ్షినిష‌య‌ల్ తెలిసిపోయింది కాజ‌ల్ కి. త‌న పని అయిపోయింద‌నుకున్న ప్ర‌తీసారీ స్ట్రాంగ్‌గా తిరిగొస్తోంది ఈ కాటుక క‌ళ్ల చిన్న‌ది. ఇది వ‌ర‌కు కూడా కాజ‌ల్ కెరీర్ ఖ‌తం అనుకున్న ద‌రలో విజృంభించి, వ‌రుస‌గా సినిమాలు చేసేసింది. ఇప్పుడూ అంతే. కాజ‌ల్ ని ఎవ‌రూ ప‌ట్టించుకోరు అనుకుంటున్న త‌రుణంలో మ‌ళ్లీ వ‌రుస‌గా సినిమాల‌పై సంత‌కాలు పెట్టేస్తోంది.

కాజ‌ల్ చేతిలో ఇప్పుడు మూడు సినిమాలున్నాయి. అవి కూడా పెద్ద సినిమాలు. చిరంజీవి 152వ చిత్రంలో ఛాన్స్ అందుకుని అంద‌రినీ ఆశ్చ‌ర్య‌ప‌రిచింది. కాజ‌ల్ కావాలి? అనుష్క ని తీసుకోవాలా? అనే సందిగ్థంలో కాజ‌ల్ కే ఓటేసింది చిత్ర‌బృందం. భార‌తీయుడు 2లో కాజ‌ల్ న‌టిస్తోంది. ఇది మామూలు హీరోయిన్ పాత్ర కాదు. చాలా స్ట్రాంగ్ గా ఉంటుంద‌ట‌. ఈ సినిమా అన్ని భాష‌ల్లోనూ విడుద‌ల అవుతుంది. ఇక బాలీవుడ్‌లోనూ ఓ సినిమా చేస్తోంది. జాన్ అబ్ర‌హాం స‌ర‌స‌న న‌టిస్తోంది. త్వ‌ర‌లోనే ఈ చిత్రం ప‌ట్టాలెక్క‌బోతోంది. ఒకేసారి… మూడు భాష‌ల‌కు చెందిన మూడు సినిమాల్ని త‌న ఖాతాలో వేసుకోగ‌లిగింది కాజ‌ల్‌. ఇంత‌కంటే గొప్ప కమ్ బ్యాక్ ఏముంటుంది?