ప్ర‌భాస్ నుంచి వ‌స్తున్న మ‌రో క్రేజీ ప్రాజెక్ట్ ‘క‌ల్కి: 2898 ఏడీ’. ఇందులో అమితాబ్ బ‌చ్చ‌న్ ఓ కీల‌క‌పాత్ర పోషిస్తున్న సంగ‌తి తెలిసిందే. అమితాబ్ పాత్ర పురాణాల్లోని అశ్వ‌ద్ధామని త‌ల‌పిస్తుంద‌ని తెలుగు 360 ముందే చెప్పింది. ఇప్పుడు అదే నిజ‌మైంది. ‘క‌ల్కి’లో అమితాబ్ అశ్వ‌ద్ధామ‌గా క‌నిపించ‌బోతున్నారు. ఆయ‌న పాత్ర‌కు సంబంధించిన ప్ర‌త్యేక‌మైన టీజ‌ర్ ఈరోజు విడుద‌ల చేశారు. ఓ గుహ‌లో అశ్వ‌ద్ధామ ధ్యానంలో ఉండ‌డం, ఓ చిన్న పిల్లాడు… ‘నువ్వెవ‌రు’ అంటూ ఆరా తీయ‌డం, అశ్వ‌ద్దామ త‌త‌ని తాను ప‌రిచ‌యం చేసుకోవ‌డం, యుద్ధానికి స‌మ‌యం ఆస‌న్న‌మైందంటూ సంకేతాలు ఇవ్వ‌డం ఇదంతా ఈ గ్లింప్స్‌లో క‌నిపించింది. అమితాబ్ లుక్ ఈ సినిమాపై మ‌రింత ఆస‌క్తిని క‌లిగిస్తోంది. ప్ర‌భాస్ పాత్ర‌ని ఇంకా పూర్తి స్థాయిలో ప‌రిచ‌యం చేయ‌లేదు. దీపికా ప‌దుకొణె, క‌మ‌ల్ హాస‌న్ పాత్ర‌ల్ని కూడా ఇప్ప‌టి వ‌ర‌కూ గోప్యంగానే ఉంచారు. వాటికి సంబంధించిన అప్ డేట్ కూడా అతి త్వ‌ర‌లో రాబోతోంది. వైజ‌యంతీ మూవీస్ ప‌తాకంపై అశ్వ‌నీద‌త్ ఈ చిత్రాన్ని తెర‌కెక్కిస్తున్నారు. నాగ అశ్విన్ ద‌ర్శ‌కుడు. మే 9న ఈ చిత్రాన్ని విడుద‌ల చేద్దామ‌నుకొన్నారు. ఎన్నిక‌ల దృష్ట్యా విడుద‌ల వాయిదా వేశారు. కొత్త రిలీజ్ డేట్ త్వ‌ర‌లోనే ప్ర‌క‌టిస్తారు.