లోకనాయకుడు కమల్ హాసన్ తనయురాలిగా తెరంగేట్రం చేసిన శృతి హాసన్ కెరియర్ మొదట్లో కాస్త ఇబ్బంది పడ్డా ఆ తర్వాత ఫుల్ స్వింగ్ లోకి వచ్చింది. శృతి ఉంటే సినిమా హిట్టే అన్న పరిస్థితి వచ్చింది అంతకంత క్రేజ్ సంపాధించింది ఈ బ్యూటీ.. అయితే లాస్ట్ ఇయర్ శ్రీమంతుడు హిట్ కొట్టినా శృతి హాసన్ కు తెలుగులో ఒక్క ప్రేమమ్ తప్ప ఏ సినిమా ఆఫర్ రాలేదు. ఊపిరి సినిమాకు తమన్నా పాత్రలో ముందు శృతి హాసన్ అనుకున్నా ఆమె చివరి నిమిషంలో హ్యాండ్ ఇచ్చింది.

స్టార్ హీరోలందరితో హిట్ కొట్టిన శృతి హాసన్ ను ఎందుకు పక్కన పెట్టేస్తున్నారు అన్నది అర్ధం కాని విషయం. ఇప్పటికే సమంత స్టార్ హీరోలతో వరుసెంట రెండు మూడు సినిమాల్లో నటించేస్తుంటే శృతి హాసన్ మాత్రం ఒక్క సినిమాతో సరిపెట్టుకుంటుంది. శృతిని స్టార్ హీరోలే కావాలని అవైడ్ చేస్తున్నారా లేక ఆమె తెలుగు సినిమాలకు దూరంగా ఉంటుందా అన్నది తెలియాల్సి ఉంది. ప్రస్తుతం తమిళంలో రెండు మూడు సినిమాలతో హడావిడి చేస్తున్న శృతి తెలుగులో ప్రేమమ్ తప్ప మరే సినిమాకు కమిట్ అవ్వలేదు కనీసం చర్చలు కూడా జరుపలేదు.

ఇక సౌత్ లోనే కాదు బాలీవుడ్ లో కూడా తన సత్తా చాటేందుకు అడపా దడపా ప్రయత్నాలు చేస్తూనే ఉంది శృతి. రీసెంట్ గా వచ్చిన రాకీ హ్యాండ్సంలో జాన్ అబ్రహంతో జత కట్టిన శృతి హాసన్ ఆ సినిమాలో పది నిమిషాల పాత్రకే పరిమితం అయ్యింది. కేవలం శృతి హాసన్ తన మాత్రు భాషలోనే సినిమాలు చేయాలనుకుంటుందా..? తెలుగులో అవకాశాలు వచ్చినా కాదని చెబుతుందా..? అన్న సందేహాలు వస్తున్నాయి. వీటికి సమాధానాలు దొరకాలంటే శృతి హాసన్ నోరు విప్పితేనే తెలుస్తుంది మరి.
Quick Reply