`విజేత‌`తో టాలీవుడ్‌లోకి అడుగుపెట్టాడు క‌ల్యాణ్ దేవ్‌. రెండో సినిమా `సూప‌ర్ మ‌చ్చీ`. ఇది సెట్‌లో ఉండ‌గానే.. రెండు మూడు సినిమాలు సెట్ చేసుకున్నాడు. ఇప్పుడు త‌న ఖాతాలో మ‌రో సినిమా కూడా చేరింది. `అశ్వ‌ద్ధామ‌` ద‌ర్శ‌కుడు ర‌మ‌ణ్ తేజ్ చెప్పిన క‌థ‌ని క‌ల్యాణ్ ఓకే చేశాడు. ఈరోజే ఎగ్రిమెంట్లు పూర్త‌య్యాయి. రామ్ తాళ్లూరి ఈ చిత్రానికి నిర్మాత‌.

సినిమాలైతే ఓకే అవుతున్నాయి గానీ, క్రేజీ కాంబినేష‌న్‌ని మాత్రం సెట్ చేసుకోలేక‌పోతున్నాడు మెగా అల్లుడు. `విజేత‌` ఫ్లాప్ అయ్యింది. `సూప‌ర్ మచ్చీ`కి కూడా భారీగా రిపేర్లు జ‌రుగుతున్నాయిని టాక్‌. నాగ‌శౌర్య‌ `అశ్వ‌ద్ధామ‌` గొప్ప‌గా ఏం ఆడ‌లేదు. అయినా స‌రే… ర‌మ‌ణ‌తేజ్ కి ఛాన్స్ ఇచ్చాడు. హీరోలంతా.. హిట్ ద‌ర్శ‌కుల వెంట ప‌డుతుంటే… విచిత్రంగా తాను మాత్రం ఫ్లాప్ ద‌ర్శ‌కుల్ని ఏరి కోరి ఎంచుకుంటున్నాడు అదేం స్ట్రాట‌జీనో మ‌రి.