క‌ల్యాణ్ రామ్ క‌థానాయ‌కుడిగా, త‌న స్వీయ నిర్మాణంలో ఓ చిత్రం తెర‌కెక్కుతోంది. వ‌శిష్ట్ ద‌ర్శ‌కుడు. ఈరోజు ఎన్టీఆర్ జ‌యంతి సంద‌ర్భంగా టైటిల్ రివీల్ చేశారు. ఈ చిత్రానికి `బింబిసార‌` అనే పేరు ఖ‌రారు చేశారు. ఫ‌స్ట్ లుక్ కూడా విడుద‌ల చేశారు. చేతిలో క‌త్తి.. ఒంటికి క‌వ‌చాలు.. కింద శ‌వాల గుట్ట‌… ఇదీ.. క‌ల్యాణ్ రామ్ ఫోజు. ఇదో పిరియాడిక‌ల్ డ్రామా. చ‌రిత్ర‌లో బింబిసారుడు అనే చ‌క్ర‌వ‌ర్తికి ప్ర‌త్యేక‌మైన స్థానం ఉంది. 5వ శ‌తాబ్దానికి చెందిన బింబిసార‌… అతి ప‌రాక్ర‌ముడు. త‌న క‌థ‌నే.,.. ఇప్పుడు సినిమాగా తీస్తున్నారా? లేదంటే… ఆ పేరు మాత్ర‌మే వాడుతున్నారా? అనేది తెలియాల్సివుంది. చూస్తుంటే.. ఇది క‌ల్యాణ్ రామ్ మ‌గ‌ధీర‌లా క‌నిపిస్తోంది. భారీ సెట్స్‌, విజువ‌ల్ ఎఫెక్ట్స్‌, యుద్ధాలూ ఈ సినిమాలోనూ చూడొచ్చు. సినిమా అంతా ఇలానే ఉంటుందా? లేదంటే… కొంత భాగం మాత్ర‌మే పిరియాడిక‌ల్ డ్రామా క‌నిపిస్తుందా? అనేది తెలియాలంటే ఇంకొంత కాలం ఆగాలి. చిరంత‌న్ భ‌ట్ ఈ చిత్రానికి సంగీతం అందిస్తున్నారు.