క‌ల్యాణ్ రామ్ ‘డెవిల్‌’ అవ‌తారం ఎత్తాడు. ఈ సినిమా ఈరోజే ప్రేక్ష‌కుల ముందుకు వ‌చ్చింది. మిక్డ్స్ టాక్ సంపాదించుకొన్న ‘డెవిల్’ బాక్సాఫీసు ద‌గ్గ‌ర ఎలాంటి రిజ‌ల్ట్ సాధిస్తుంద‌న్న‌ది తెలియాలంటే మ‌రో రెండు మూడు రోజులు ఆగాలి. అయితే.. ఈ సినిమాకి వ‌స్తున్న స్పంద‌న ప‌ట్ల క‌ల్యాణ్ రామ్ సంతృప్తిగానే ఉన్నాడు. అంతేకాదు… ‘డెవిల్ 2’ కూడా వ‌స్తుందంటూ ప్ర‌క‌టించేశాడు. డెవిల్ చేస్తున్న‌ప్పుడే పార్ట్ 2 ఆలోచ‌న ఉంది. అయితే… ‘డెవిల్‌’ రిజ‌ల్ట్ చూసి, సీక్వెల్ ప్ర‌క‌టిద్దామ‌నుకొన్నారు. ఇప్పుడు ఆ ప్ర‌క‌ట‌న కూడా వ‌చ్చేసింది. 2024 – 25 మ‌ధ్య‌లో పార్ట్ 2 ప‌ట్టాలెక్కుతుంద‌ని క‌ల్యాణ్ రామ్ డిక్లేర్ చేశారు.

‘డెవిల్’ 1940 నేప‌థ్యంలో సాగుతుంది. డెవిల్ 2 మాత్రం 1940తో మొద‌లై… 2020లోకి వ‌స్తుంద‌ట‌. అయితే పార్ట్ 2కి సంబంధించిన ఎటువంటి లీడ్స్ డెవిల్‌లో ఇవ్వ‌లేదు. ఇది పూర్తిగా కొత్త క‌థా? లేదంటే నిజంగానే సీక్వెల్ చేస్తున్నారా? అనే విష‌యాలు తెలియాల్సివుంది. పార్ట్1 కోసం ద‌ర్శ‌కుడిగా న‌వీన్ మేడారంని ఎంచుకొన్నారు. ఆ త‌ర‌వాత కొన్ని కార‌ణాల వ‌ల్ల ఆయ‌న్ని ప‌క్క‌న పెట్టారు. నిర్మాత అభిషేక్ నామా ద‌ర్శ‌కుడిగానూ బాధ్య‌త‌లు స్వీక‌రించారు. మ‌రి పార్ట్ 2కి ద‌ర్శ‌కుడెవ‌రో తేలాల్సివుంది. మ‌రోవైపు ‘బింబిసార‌’ సీక్వెల్ కోసం కూడా ప్ర‌య‌త్నాలు జ‌రుగుతున్నాయి. ఇప్ప‌టికే ‘బింబిసార 2’ క‌థ సిద్ధ‌మైన‌ట్టు స‌మాచారం. 2024 ప్ర‌ధ‌మార్థంలో ఈ సీక్వెల్ ప‌ట్టాలెక్కుతుంది. ఆ త‌ర‌వాతే ‘డెవిల్ 2’ మొద‌ల‌వుతుంది.