ప్రేమ – ఇష్క్ – కాద‌ల్ తో ఆక‌ట్టుకొన్న ద‌ర్శ‌కుడు ప‌వ‌న్ సాధినేని. ఆ త‌ర‌వాత కొన్ని ఫ్లాపులొచ్చాయి. అయితే ఇటీవ‌ల ఓటీటీ సీరీస్‌ల‌తో త‌న ప్ర‌భావం చూపించ‌గ‌లిగాడు. సేనాప‌తి, ద‌య సిరీస్‌లు ప‌వ‌న్ ద‌ర్శ‌క‌త్వంలోనే వ‌చ్చాయి. దాంతో ఇప్పుడు మళ్లీ టాలీవుడ్ హీరోల నుంచి పిలుపు అందుకొంటున్నాడు. క‌ల్యాణ్ రామ్ కోసం ప‌వ‌న్ ఓ క‌థ సిద్ధం చేసిన‌ట్టు స‌మాచారం. ఈ కాంబో ఆల్మోస్ట్ ఓకే అయిపోయిన‌ట్టే. నిజానికి నాలుగేళ్ల క్రిత‌మే ప‌వ‌న్ సాధినేని క‌ల్యాణ్ రామ్ కోసం ఓ క‌థ రెడీ చేశాడు. అందులో… హ‌రికృష్ణ కూడా న‌టించాల్సివుంది. కానీ హ‌రికృష్ణ హ‌ఠాన్మ‌ర‌ణంతో ఆ ప్రాజెక్ట్ ఆగిపోయింది. అప్ప‌టి నుంచీ.. ప‌వ‌న్ – క‌ల్యాణ్ రామ్ ట‌చ్‌లోనే ఉన్నారు. ఇప్పుడు అదే మ‌ల్టీస్టార‌ర్ క‌థ‌ని.. క‌ల్యాణ్ రామ్ తో తీస్తున్నారా, లేదంటే.. మ‌రో కొత్త క‌థ త‌యారు చేసుకొన్నాడా? అనేది తెలియాల్సివుంది. ఒక‌వేళ మ‌ల్టీస్టార‌ర్ క‌థే అయితే హ‌రికృష్ణ స్థానంలో మ‌రో హీరోని వెద‌కాల్సిందే. క‌ల్యాణ్ రామ్ ప్ర‌స్తుతం డెవిల్ అనే ప్రాజెక్ట్ తో బిజీగా ఉన్నాడు. బింబిసార 2 కూడా ప‌ట్టాలెక్కాల్సివుంది.
ప‌వ‌న్ సాధినేనితో క‌ల్యాణ్ రామ్
