పూరి జ‌గ‌న్నాథ్ ద‌ర్శ‌క‌త్వంలో క‌ల్యాణ్‌రామ్ క‌థానాయ‌కుడిగా ఓ చిత్రం తెర‌కెక్కుతోంది. ఎన్టీఆర్ ఆర్ట్స్ బ్యాన‌ర్‌పై క‌ల్యాణ్‌రామ్ ఈ చిత్రాన్ని తెర‌కెక్కిస్తున్నాడు. ఈనెల 5న క‌ల్యాణ్ రామ్ పుట్టిన రోజు సంద‌ర్భంగా టీజ‌ర్‌ని విడుద‌ల చేస్తున్నారు. ఈ సినిమాకి పేరు ఇంకా పెట్ట‌లేదు. టైటిల్ ఏంట‌న్న‌ది ఆ రోజే స్ప‌ష్టం చేసే అవ‌కాశాలున్నాయి. ఇందులో క‌ల్యాణ్ రామ్ రిపోర్ట‌ర్ పాత్ర‌లో క‌నిపించ‌నున్నాడ‌ట‌. అత‌ని పేరు బాల‌కృష్ణ అని, అందుకే ఈ చిత్రానికి ‘రిపోర్ట‌ర్ బాల‌కృష్ణ‌’ అనే పేరు పెట్టార‌ని ప్ర‌చారం జ‌రుగుతోంది. అయితే.. చిత్ర‌బృందం మాత్రం ఈ విష‌య‌మై నోరు మెద‌ప‌డం లేదు. ”ఈ సినిమాలో హీరో పేరు.. బాల‌కృష్ణ కాదు. అలాంట‌ప్పుడు ఆ పేరు ఎందుకు పెడ‌తాం” అని చిత్ర‌బృందంలో ఒక‌రు.. తెలుగు 360కి క్లారిటీ ఇచ్చారు.

‘ఇజం’ అనే మ‌రో పేరు కూడా ప‌రిశీల‌న‌లో ఉంది. ఈమ‌ధ్య ‘ఇజం’ అనే ప‌దం బాగా పాపుల‌ర్ అయ్యింది. జ‌ర్న‌లిజంలో ఉండే అస‌లైన ఇజం ఏమిటో పూరి ఈ సినిమాతో చెప్ప‌బోతున్నాడ‌ని, అందుకే ఈ సినిమాకి ఈ పేరు పెడుతున్నార‌ని చెబుతున్నారు. 90 శాతం ఇజం పేరు క‌న్‌ఫామ్ అని.. అయితే ఈలోగా పూరి కి ఏదైనా కొత్త థాట్ వ‌స్తే టైటిల్ మారొచ్చ‌ని టాక్‌. మ‌రి చివ‌రికి ఈ సినిమా పోస్ట‌ర్‌పై ఏ పేరు క‌నిపిస్తుందో చూడాలి.