ఓ సినిమా హిట్ట‌యితే సీక్వెల్ కోసం ఆలోచించ‌డం చాలా సాధార‌ణ‌మైన విష‌యం. అయితే సీక్వెల్స్ కి వ‌చ్చేస‌రికి అదే టీమ్ కొన‌సాగుతుంటుంది. ద‌ర్శ‌కుడు, హీరో అయితే మార‌డం దాదాపుగా అసాధ్యం. అయితే ‘టిల్లు’, ‘హిట్‌’ చిత్రాల‌ విష‌యంలో మాత్రం సీన్ రివ‌ర్స్ అవుతోంది. డీజే టిల్లు చిత్రానికి విమ‌ల్ కృష్ణ ద‌ర్శ‌కుడు. సిద్దు జొన్న‌ల‌గ‌డ్డ‌ని స్టార్ బోయ్‌గా మార్చిన సినిమా ఇది. ద‌ర్శ‌కుడిగా విమ‌ల్‌కు మంచి పేరొచ్చింది. అయితే టిల్లు స్క్వేర్ ద‌గ్గ‌ర‌కు వ‌చ్చే స‌రికి ద‌ర్శ‌కుడు మారిపోయాడు. విమ‌ల్ స్థానంలో మ‌ల్లిక్ రామ్ వ‌చ్చాడు. ద‌ర్శ‌కుడు మారినా ఫ‌లితం మార‌లేదు. టిల్లు కంటే టిల్లు స్వ్కేర్ పెద్ద హిట్ అయ్యింది. ఇప్పుడు టిల్లు క్యూబ్ రాబోతోంది. ఈసారి కూడా ద‌ర్శ‌కుడు మారాడు. మ‌ల్లిక్ రామ్ స్థానంలో క‌ల్యాణ్ శంక‌ర్ వ‌చ్చి చేరాడు. టిల్లు క్యూబ్ ద‌ర్శ‌కుడు క‌ల్యాణ్ శంక‌ర్ అని నిర్మాత నాగ‌వంశీ అధికారికంగా ప్ర‌క‌టించేశారు కూడా.

‘మాడ్’ సినిమాతో ద‌ర్శ‌కుడిగా తన ఖాతాలో హిట్ వేసుకొన్నాడు క‌ల్యాణ్ శంక‌ర్‌. ఈ సినిమాతో క‌ల్యాణ్‌కు మంచి పేరొచ్చింది. ఇప్పుడు మ్యాడ్ 2 తీస్తున్నాడు. టీజ‌ర్ బాగుంది. కామెడీ ఈసారి మ‌రింత బాగా పండింద‌న్న సంగ‌తి టీజ‌ర్ తోనే అర్థం అవుతోంది. మాడ్ త‌ర‌వాత క‌ల్యాణ్‌కు మంచి అవ‌కాశాలు వ‌చ్చాయి. ర‌వితేజ‌తో కూడా ఓ ప్రాజెక్ట్ చేస్తున్నాడ‌ని చెప్పుకొన్నారు. అంత‌కంటే ముందుగా టిల్లు క్యూబ్‌కి ఫిక్స‌యిపోయాడు. నిజంగానే ఇది మంచి ఛాన్స్‌. ఎందుకంటే సిద్దు జొన్న‌ల‌గ‌డ్డ మంచి ఫామ్‌లో ఉన్నాడు. త‌న‌తో హిట్ కొడితే బిగ్ లీగ్‌లోకి ఈజీగా చేరిపోవొచ్చు.

టిల్లుది ఒక దారైతే హిట్ ది మ‌రోక దారి. హిట్ ద‌ర్శ‌కుడు శైలేష్ కొల‌ను. హిట్ 2, హిట్ 3కి కూడా ఆయ‌నే. కాక‌పోతే.. ఆ సినిమాలో ప‌ని చేసే హీరోలే మారారు. అడ‌విశేష్‌, విశ్వ‌క్‌సేన్‌, నాని.. ఇలా హిట్ సినిమాలో క‌నిపించే హీరోలు మారుతున్నారు. టిల్లులో ద‌ర్శ‌కులు మారుతున్నారు. ఇదే తేడా.