ఓ సినిమా హిట్ అయితే ఆ కాంబినేషన్ ఎంతో ప్రాముఖ్యతను సంతరించుకుంటుంది. ఇక ఆ క్రేజీ కాంబినేషన్ లో సినిమా అంటే ఆడియెన్స్ కూడా ఎంతో ఉత్సాహంగా ఉంటారు. ప్రస్తుతం థియేటర్స్ లో సందడి చేస్తున్న నందిని రెడ్డి డైరక్షన్ లో వచ్చిన కళ్యాణ వైభోగమే సూపర్ హిట్ అయ్యింది. తన మీద పడ్డ అపవాదాలన్ని ఈ సినిమాతో చేధించిన దర్శకురాలు నందిని రెడ్డి ఈ సినిమాతో అందరి దగ్గర నుండి ప్రశంసలు అందుకుంటుంది.
నాగశౌర్య, మాళవికా నాయర్ జంటగా నటించిన ఈ సినిమాను దర్శకురాలు నడిపించిన విధానం ప్రేక్షకులను ఎంతగానో ఇంప్రెస్ చేసింది. సినిమాకు పనిచేసిన అన్ని విభాగాలు తమ పర్ఫెక్ట్ అవుట్ పుట్ ఇచ్చేసరికి సినిమా ఘనవిజయం సాధిచింది. ముందు కొద్దిగా రిలీజ్ కష్టాలు పడ్డ మాట నిజమే అయినా సినిమా మీద ఉన్న నమ్మకంతో అభిషేక్ పిక్చర్స్ వచ్చి ధైర్యంగా సినిమాను రిలీజ్ చేశారు.
ఇక ఈ సినిమా సక్సెస్ పట్ల ఆనందంగా ఉన్న నిర్మాత దామోదర ప్రసాద్ మళ్లీ ఇదే టీంతో మరో సినిమా చేస్తున్నట్టు ప్రకటించారు. సినిమా మీద ఉన్న ఇష్టంతో నిర్మాణ రంగంలోకి వచ్చిన ఆయన మంచి సినిమాలను ప్రేక్షకులకు అందించాలనే తపనతో సినిమాలు చేస్తుంటాడు. సో మరో మరోసారి నందిని రెడ్డి అండ్ టీం సందడి చేయడం చూస్తాం అన్నమాట.
