ఓ వైపు తన విలక్షణ నటనతో సినిమా సినిమాకు కొత్త కొత్త ప్రయోగాలు చేస్తున్న నటుడు లోక నాయకుడు కమల్ హాసన్. మరో పక్క కింగ్ నాగార్జునని పెళ్లాడి సినిమాలకు గుడ్ బై చెప్పి సోషల్ సర్వీస్లో మునిగిపోయిన హీరోయిన్ అమల.. వీరిద్దరు కలిసి ఓ సినిమా చేయబోతున్నారు. కాస్త షాకింగ్ గా ఉంది కదా కాని ఇది నిజమే.. కమల్ హాసన్, అమల జంటగా ఓ సినిమా వస్తుంది. తమిళ దర్శకుడు రాజీవ్ కుమార్ దర్శకత్వంలో ఈ సినిమా రూపొందనుంది.
నాగ్ తో పెళ్లి తర్వాత సినిమాలకు బై చెప్పేసి సోషల్ సర్వీస్ లో ఫుల్ బిజీ అయిన అమల రీసెంట్ గా శేఖర్ కమ్ముల ‘లైఫ్ ఈజ్ బ్యూటిఫుల్’ సినిమాతో రీ ఎంట్రీ ఇచ్చింది. ఆ తర్వాత మళ్లీ ఆమెను ఇంప్రెస్ చేసే కథ దొరకక సినిమాలేవి చేయలేదు. రాజీవ్ కుమార్ చెప్పిన కథ నచ్చడంతో కమల్ తో నటించేందుకు సిద్ధమైంది అమల. వీరిద్దరు కలిసి అప్పట్లో పుష్పక విమానం సినిమాలో నటించారు. మాటలు లేని మూకీ సినిమా అయినా సరే ఆ సినిమాలో ఇద్దరు మంచి నటనతో ప్రేక్షకులను అలరించారు.
ప్రస్తుతం చీకటి రాజ్యం తర్వాత కూడా అదే దర్శకుడితో ఓ సినిమా చేస్తున్న కమల్ హాసన్. దాని తర్వాత ఈ ప్రాజెక్ట్ కి రెడీ చేస్తున్నాడట. తెలుగు తమిళ భాషల్లో తెరకెక్కించబడే ఈ సినిమా గురించి పూర్తి వివరాలు త్వరలో తెలియనున్నాయి.
