ఇటీవ‌లే మ్యూజిక్ మాస్ట్రో ఇళ‌య‌రాజా బ‌యోపిక్ ప‌ట్టాలెక్కిన సంగ‌తి తెలిసిందే. ఇళ‌య‌రాజా పాత్ర‌లో ధ‌నుష్ క‌నిపించ‌బోతున్నాడు. అయితే ఈ సినిమాలో చాలా ఆక‌ర్ష‌ణ‌లు ఉన్నాయి. కొన్ని కీల‌క‌మైన పాత్ర‌ల్లో లెజెండ‌రీ న‌టీన‌టులు ద‌ర్శ‌న‌మివ్వ‌నున్నారు. క‌మ‌ల్ హాస‌న్ కూడా ఓ పాత్ర పోషించ‌బోతున్నార‌ని టాక్‌. ఇళ‌య‌రాజా – క‌మ‌ల్ మ‌ధ్య మంచి సాన్నిహిత్యం ఉంది. ఇళ‌య‌రాజాకు క‌మ‌ల్ వీరాభిమాని. ఇద్ద‌రి క‌ల‌యిక‌లో సూప‌ర్ హిట్ సినిమాలెన్నో వ‌చ్చాయి. ఇప్పుడు `ఇళ‌య‌రాజా` బ‌యోపిక్‌లో క‌మ‌ల్ త‌న వంతు పాత్ర పోషించ‌డానికి రెడీ అయ్యారు. త‌న నిజ జీవిత పాత్ర‌లోనే క‌మ‌ల్ క‌నిపించ‌నున్నార‌ని టాక్‌. అంతేకాదు… ఈ సినిమా కోసం ఆయ‌న స్క్రీన్ ప్లే కూడా అందించ‌నున్నార్ట‌. క‌మ‌ల్ న‌టుడే కాదు. ద‌ర్శ‌కుడు, ర‌చ‌యిత కూడా. అందుకే ఇళ‌య‌రాజాపై త‌న‌కున్న అభిమానంతో, ఈ సినిమాకు స్క్రీప్ట్ అందించ‌డానికి ఆయ‌న ముందుకు వ‌చ్చార‌ని స‌మాచారం. ఇప్ప‌టికే ఈ చిత్ర ద‌ర్శ‌కుడు అరుణ్ మాధేశ్వ‌ర‌న్‌తో క‌లిసి, స్క్రిప్ట్ వ‌ర్క్ పూర్తి చేశార‌ని తెలుస్తోంది. క‌మ‌ల్ ఇచ్చిన ఇన్ పుట్స్ ఈ క‌థ‌కు చాలావ‌ర‌కూ ఉప‌యోగ‌ప‌డ్డాయ‌ని తెలుస్తోంది. అలా..ఈ సినిమా కోసం న‌టుడిగా, ర‌చ‌యిత‌గా క‌మ‌ల్ ద్విపాత్రాభిన‌యం చేస్తున్నార‌న్న‌మాట‌.