అశ్వ‌నీద‌త్ ప్ర‌తిష్టాత్మ‌కంగా నిర్మిస్తున్న చిత్రం `క‌ల్కి`. ప్ర‌భాస్ క‌థానాయకుడిగా న‌టిస్తున్న చిత్ర‌మిది. అమితాబ్ బ‌చ్చ‌న్ కీల‌క పాత్ర పోషిస్తున్నారు. ఇందులో క‌మ‌ల్ ప్ర‌తినాయ‌కుడిగా న‌టిస్తున్న సంగ‌తి తెలిసిందే. త్వ‌ర‌లోనే క‌మ‌ల్ ప్రాజెక్ట్ కె సెట్లో అడుగుపెట్ట‌బోతున్నారు. వ‌చ్చేవారంలో హైద‌రాబాద్‌లోని రామోజీ ఫిల్మ్ సిటీలో కీల‌క స‌న్నివేశాలు తెర‌కెక్కించ‌నున్నారు. ఈ షెడ్యూల్ లో క‌మ‌ల్‌, ప్ర‌భాస్, అమితాబ్ త‌దిత‌రులు పాల్గొన‌బోతున్నార‌ని తెలుస్తోంది. క‌మ‌ల్ ప్ర‌స్తుతం భార‌తీయుడు 2 సినిమాతో బిజీగా ఉన్నారు. ఆ షెడ్యూల్‌కి బ్రేక్ ఇచ్చి.. క‌ల్కికి డేట్లు ఇచ్చిన‌ట్టు టాక్‌. 2024 సంక్రాంతికి ఈ చిత్రాన్ని విడుద‌ల చేయాల‌ని ద‌ర్శ‌కుడు నాగ అశ్విన్ ధృడ సంక‌ల్పంతో ఉన్నాడు. షూటింగ్ కూడా చ‌క చ‌క పూర్తి చేసుకొంటోంది. న‌వంబ‌రు నాటికి చిత్రీక‌ర‌ణ పూర్తి చేసి, డిసెంబ‌రుతో ఫ‌స్ట్ కాపీ రెడీ చేయాల‌ని భావిస్తున్నారు. క‌మ‌ల్ పార్ట్ పూర్తి చేస్తే దాదాపుగా షూటింగ్ అయిపోయిన‌ట్టే. అందుకే ఈ షెడ్యూల్ ప్రాజెక్ట్ కె కి అత్యంత కీల‌కం కానుంది.