క‌న్న‌డ చిత్ర‌సీమ‌కు చెందిన‌ యువ క‌థానాయ‌కుడు ధృవ్ ఈరోజు ఉద‌యం గుండె పోటుతో మ‌ర‌ణించారు. క‌న్న‌డ హీరో కాబ‌ట్టి.. తెలుగు ప్రేక్ష‌కుల‌కు ప‌రిచయం లేద‌నుకోవ‌డానికి వీల్లేదు. ప్ర‌తీ యేటా జ‌రిగే సీసీఎల్ పోటీల్లో ధృవ్ త‌న అద్భుత‌మైన ప్ర‌తిభా పాట‌వాల‌తో అల‌రిస్తూ వ‌చ్చాడు. కన్న‌డ టీమ్ ని చాలాసార్లు ఒంటి చేత్తో గెలిపించాడు. ధృవ్ మంచి ఆల్ రౌండ‌ర్‌. అయితే… త‌న‌కు మాట‌లు రావు, వినిపించ‌వు. అయినా స‌రే.. మొక్క‌వోని విశ్వాసంతో ఎదిగాడు. న‌టుడిగా నిరూపించుకొన్నాడు. అలాంటి ధృవ్‌… రెండ్రోజుల క్రితం హ‌ఠాత్తుగా కుప్ప‌కూలిపోయాడు. వెంట‌నే స‌న్నిహితులు ఆసుప‌త్రిలో చేర్పించారు. ఈరోజు ఉద‌యం.. ప‌రిస్థితి విష‌మించి తుది శ్వాస విడిచారు. ధృవ్‌కి తెలుగు చిత్ర‌సీమ‌లో చాలామంది స్నేహితులున్నారు. వాళ్లంతా ధృవ్ మ‌ర‌ణ‌వార్త‌ని జీర్ణించుకోలేక‌పోతున్నారు.