జగన్ రెడ్డి టిక్కెట్ల కసరత్తు ట్రాక్ తప్పుతున్న సూచనలు కనిపిస్తున్నాయి. ఆయన ట్రీట్ చేస్తున్న విధానంతో ఎక్కువ మంది ఎమ్మెల్యేలు తిరుగుబాటుకు సిద్ధమవుతున్నారు. తాజాగా రాయదుర్గం నియోజకవర్గానికి ఇంకా టిక్కెట్ ఖరారు చేయకపోయినప్పటికీ సిట్టింగ్ ఎమ్మెల్యే కాపు రామచంద్రారెడ్డికి తన పరిస్థితిపై క్లారిటీ వచ్చింది. ఆయన ఒక్క సారిగా బ్లాస్ట్ అయ్యారు.
జగన్ రెడ్డి నమ్మించి గొంతు కోశారని ఇంత కంటే అవమానం ఇంకెప్పుడూ జరగలేదని ఆయన మండిపడ్డారు. జగన్ రెడ్డిని కలిసేందుకు కూడా అవకాశం ఇవ్వలేదని.. తాను పోటీ చేసి తీరుతానని ఆయన ప్రకటించారు. తాను రాయదుర్గం నుంచి.. తన బార్య కల్యాణదుర్గం నుంచి పోటీ చేస్తుందని ఆయన ప్రకటించారు. ఏదైనా పార్టీలో టిక్కెట్ ఇస్తే ఆ పార్టీల నుంచి పోటీ చేస్తానని చెబుతున్నారు.
కాపు రామచంద్రారెడ్డి.. గాలి జనార్ధన్ రెడ్డి వ్యాపార భాగస్వామి. అప్పట్లో హవా నడిచినప్పుడు.. కాపు రామచంద్రారెడ్డి.. గాలి జనార్దన్ రెడ్డి అంత పవర్ చూపించేవారు. కానీ ఇటీవల గాలితో పాటు శ్రీరాములుతోనూ ఆయనకు వివాదాలు వచ్చినట్లుగా తెలుస్తోంది. కాపు రామచంద్రారెడ్డి అల్లుడు ఓ ప్రభుత్వ పని కాంట్రాక్టులు చేస్దూ..బిల్లులు రాలేదని విజయవాడలోనే ఆత్మహత్య చేసుకున్నారు. ఈ విషయంలో ఆయన సైలెంట్ గానే ఉన్నారు. ఇప్పుడు ఆయనకు టిక్కెట్ రాదని తెలియడంతో.. ఫైర్ అవుతున్నారు.
