క‌ర‌ణ్ జోహార్ దృష్టి ఇప్పుడు తెలుగు హీరోల‌పై ప‌డింది. ఈమ‌ధ్య కాలంలో… తెలుగు హీరోల‌ల్ని బాలీవుడ్ లో గ‌ట్టిగా ప్ర‌మోట్ చేసే ప‌నిలో ప‌డ్డాడు క‌ర‌ణ్‌. వీలు చిక్కిన‌ప్పుడ‌ల్లా.. తెలుగు సినిమా, తెలుగు హీరోల గొప్ప‌ద‌నాన్ని.. బాలీవుడ్ మీడియా ముందు ఏక‌రువు పెడుతూనే ఉన్నాడు. బాహుబ‌లిలో త‌న‌కు వాటా ఉంది. ఇప్పుడు ఆర్‌.ఆర్‌.ఆర్ వెనుకా త‌ను ఉన్నాడు. `లైగ‌ర్‌`కి ఒకానొక నిర్మాత‌. త్వ‌ర‌లోనే.. విజ‌య్ దేవ‌ర‌కొండ‌తో మ‌రో సినిమా చేయ‌బోతున్నాడు. ఇప్పుడు అఖిల్‌పై కూడా క‌ర‌ణ్ దృష్టిప‌డింది.

అఖిల్ తో క‌ర‌ణ్ జోహార్ ఓ పాన్ ఇండియా సినిమా ప్లాన్ చేస్తున్నాడు. బాలీవుడ్ ద‌ర్శ‌కుడితో అఖిల్ హీరోగా ఓ ప్రాజెక్ట్ సెట్ చేయ‌డానికి రెడీ అయ్యాడు. క‌ర‌ణ్ జోహార్ ద‌గ్గ‌ర చాలామంది ద‌ర్శ‌కుల బృందం ఉంది. వాళ్ల‌లో ఒక‌రు.. ఈసినిమాకి ద‌ర్శ‌క‌త్వం వ‌హిస్తారు. నిజానికి అఖిల్ తో ఓ సినిమా చేయాల‌ని క‌ర‌ణ్ ఎప్ప‌టి నుంచో అనుకుంటూనే ఉన్నాడు. అఖిల్ తొలి సినిమా చేస్తాన‌ని, క‌ర‌ణ్ ముందుకొచ్చాడు. కానీ అప్ప‌ట్లో కుద‌ర్లేదు. ఇప్పుడు అఖిల్ ని పాన్ ఇండియా స్టార్ గా ప్ర‌మోట్ చేసే బాధ్య‌త తాను తీసుకొన్నాడు. త్వ‌ర‌లోనే ఈ సినిమాకి సంబంధించిన ఆస‌క్తిక‌ర‌మైన డిటైల్స్ మ‌రిన్ని బ‌య‌ట‌కు వ‌చ్చే అవ‌కాశం ఉంది.