ఒలంపిక్స్‌లో ప‌త‌కం సాధించి తెలుగువాళ్లంతా గ‌ర్వ‌ప‌డేలా చేసిన క్రీడాకారిణి క‌ర‌ణం మ‌ల్లీశ్వ‌రి. ఇప్పుడు త‌న క‌థ వెండి తెర‌పై రాబోతోంది. సంజ‌నా రెడ్డి ఈ చిత్రానికి ద‌ర్శకురాలు. క‌థ‌, స్క్రీన్ ప్లే కోన వెంక‌ట్ అందించారు. ఆయ‌న‌తో పాటు కోనేరు స‌త్య‌నారాయ‌ణ ఈ చిత్రాన్ని నిర్మిస్తారు. ఇది మ‌రో పాన్ ఇండియా ప్రాజెక్టు. క‌ర‌ణం మల్లీశ్వ‌రి పుట్టిన రోజు సంద‌ర్భంగా ఈచిత్రానికి సంబంధించిన అధికారిక ప్ర‌క‌ట‌న బ‌య‌ట‌కు వ‌చ్చింది. క‌ర‌ణం మ‌ల్లీశ్వ‌రి పాత్ర‌లో ఎవ‌రు క‌నిపిస్తార‌న్న‌ది ప్ర‌స్తుతం ఆస‌క్తిని రేకెత్తిస్తోంది. భూమి ప‌డ్నేక‌ర్ క‌ర‌ణం మ‌ల్లీశ్వ‌రిగా క‌నిపిస్తుంద‌ని ప్ర‌చారం జ‌రిగింది. అప్ప‌టికి పాన్ ఇండియా ఆలోచ‌న లేదు. అందుకే ఓ స్టార్ క‌థానాయిక‌నే మ‌ల్లీశ్వ‌రి పాత్ర‌కోసం ఎంచుకోవాల‌ని కోన వెంక‌ట్ భావిస్తున్నారు. మ‌రి.. ఆ ఛాన్స్ ఎవ‌రికి ద‌క్కుతుందో?