కార్తి ‘సత్యం సుందరం’ సినిమాకి పాజిటివ్ టాక్ వచ్చింది. ముఖ్యంగా విమర్శకులు సినిమా ప్రసంసించారు. మంచి రివ్యూలు వచ్చాయి. సినిమా జీవితాన్ని తెరపై చూపించిందని కితాబిచ్చారు. కార్తి కెరీర్ లో ఈ సినిమా మరో అరుదైన సినిమానే. అయితే కమర్షియల్ గా ఎంతవరకూ పే చేస్తుందనేని ప్రస్నార్ధకం.
సినిమా రిలీజ్ తర్వాత కార్తి తెలుగు ప్రమోషన్స్ పై ద్రుష్టి పెట్టారు. నిన్న విజయవాడలో సక్సెస్ టూర్ నిర్వహించారు. ఈ రోజు హైదరాబాద్ లో సక్సెస్ మీట్ జరిగింది. ఈ సక్సెస్ మీట్ లో కార్తి ఎలాంటి దాపరికం లేకుండా సినిమా కమర్షియల్ సక్సెస్ గురించి మాట్లాడారు.
‘సత్యం సుందరం’ కు మంచి ప్రసంసలు వస్తున్నాయి. సంతోషమే. అయితే పొగడ్తల దగ్గర సినిమా ఆగిపోకూడదు. ఇలాంటి సినిమాలు ఇంకా రావాలంటే కమర్షియల్ గా సినిమా పెద్ద హిట్ కావాలి. నా కోసం కాదు.. ఇలాంటి మంచి సినిమాలు రావాలంటే ఈ సినిమాని థియేటర్స్ లో చూడండి’ అని ఓపెన్ గా రిక్వెస్ట్ చేశారు కార్తి.
నిజమే.. పొగడ్తల వలన సినిమాకి చేకూరే మేలు తక్కువ. నిర్మాతలు మళ్ళీ ఇంలాంటి విలక్షణమైన సినిమాలు చేయాలంటే సినిమా కమర్షియల్ సక్సెస్ కొట్టాల్సిందే.
