బ్ర‌హ్మోత్స‌వం ఆడియో ఫంక్ష‌న్ స‌ర‌దా స‌ర‌దాగా సాగిపోతోంది. బాహుబ‌లి క‌ట్ట‌ప్ప.. స‌త్య‌రాజ్ ఈ సినిమాలో ఓ కీల‌క పాత్ర పోషిస్తున్నారు. స‌త్య‌రాజ్ మ‌హేష్ తండ్రి పాత్ర‌లో క‌నిపించ‌బోతున్నార‌ని తెలుస్తోంది. ఈ ఆడియో ఫంక్షన్లో పాల్గొన్న స‌త్యారాజ్‌.. వేదిక‌పై ఓ ఇంగ్లీష్ జోక్ కూడా పేల్చారు. అది స‌భికుల‌కు ఆక‌ట్టుకొంది.
బీసీఎస్సీ చ‌దివే రోజుల్లో స‌త్య‌రాజ్‌కి ఇంగ్లీష్ రాద‌ట. ఇంత చ‌దువుతున్నావ్‌.. ఇంగ్లీష్ రాక‌పోవ‌డం ఏమిటి? అని స‌త్య‌రాజ్‌ని లెక్చ‌ల‌ర్ అడిగార‌ట. అప్పుడు స‌త్య‌రాజ్ ఆ లెక్చ‌ల‌ర్‌ని ”మీకు తెలుగు వ‌చ్చా” అని అడిగాడ‌ట. ‘రాదు’ అని లెక్చ‌ల‌ర్ చెప్ప‌డంతో.. ”చెన్నై నుంచి ఆంధ్రా 500 కిలో మీట‌ర్ల దూరం కూడా లేదు. చెన్నై నుంచి లండ‌న్ వంద‌ల వేల కిలోమీట‌ర్ల దూరం ఉంది. మీకు తెలుగు రానప్పుడు నాకు ఇంగ్లీష్ ఎలా వ‌స్తుంది” అని కౌంట‌ర్ వేశాడ‌ట. ఈ జోకే… బ్ర‌హ్మోత్స‌వం ఆడియో ఫంక్షన్లో క‌ట్ట‌ప్ప పేల్చాడు. దానికి మ‌హేష్‌తో పాటు అంద‌రూ ఘోల్లున న‌వ్వారు.
