తెలుగు సినిమాలతోనే ప్రేక్షకులు ఉక్కిరి బిక్కిరి అయ్యే పరిస్థితిలో ఉంటే తాజాగా తమిళ డబ్ సినిమాలు కూడా టాలీవుడ్ బాక్సాఫీస్ మీద తమ సత్తా చాటేందుకు రెడీ అయ్యాయి. తమిళ క్రేజీ హీరోలు విశాల్, సూర్య, ధనుష్ లు నటించిన మూడు సినిమాలు ఈ నెల 18న రిలీజ్ చేసేందుకు సన్నాహాలు చేస్తున్నారు. ప్రతి వారం ఏదో ఒక తెలుగు సినిమా రిలీజ్ అవుతున్న ఈ సందర్భంలో ఈసారి రాబోయే శుక్రవారం కేవలం తమిళ డబ్బింగ్ సినిమాలకే అవకాశం ఇచ్చినట్టు ఉన్నారు.
విశాల్ ఎనర్జిటిక్ పర్ఫార్మెన్స్ తో చేసిన కథాకళి సినిమాతో వస్తుండగా.. సూర్య తను నిర్మించిన మేము సినిమాతో వస్తున్నాడు.. ఆడియో గ్రాండ్ గా రిలీజ్ చేసిన ఈ సినిమా ఎన్నో రోజుల నుండి తెలుగు రిలీజ్ పోస్ట్ పోన్ అవుతూ ఎట్టకేలకు వచ్చే వారం రిలీజ్ అవుతుంది. ఇక ధనుష్ హీరోగా తమిళ బాక్సాఫీస్ ను షేక్ చేసిన మారి సినిమా కూడా ఇక్కడ మాస్ అనే టైటిల్ తో రాబోతుంది.
మరి ఈ మూడు సినిమాలు తెలుగు సినిమా కలక్షన్స్ మీద ప్రభావితం చూపక పోయినా సినిమాలను దక్కించుకుని రిలీజ్ చేసే నిర్మాతలకు మంచి లాభాలను తెచ్చిపెట్టే అవకాశం ఉంది. మరి టాలీవుడ్ లో పోటీ పడుతున్న ముగ్గురు తమిళ హీరోలలో ఎవరు ప్రేక్షకుల మనసు గెలిచుకుంటారో చూడాలి.
