చిత్రం.. ఇది మ‌రీ విచిత్రం.

ప‌వ‌న్ క‌ల్యాణ్ పై వెర్రెత్తుకు ప‌డిపోయే వ్య‌క్తి క‌త్తి మ‌హేష్‌. ప‌వ‌న్ ఎప్పుడు ఎక్క‌డ ఎలా దొరుకుతాడా? అని ఎదురు చూస్తుంటాడు. అలాంటి క‌త్తి మ‌హేష్ ప‌వ‌న్ క‌ల్యాణ్ అభిమానిగా మార‌డం నిజంగా విచిత్రం. `ప‌రాన్న జీవి`లో ఈ వింత చూడొచ్చు. ప‌వ‌న్ అభిమానులంతా క‌లిసి నిర్మిస్తున్న చిత్రం `ప‌రాన్న‌జీవి`. ప‌వ‌న్ కాంపౌండ్‌కి అత్యంత స‌న్నిహితుడు నూత‌న్ నాయుడు ఈ సినిమాకి ద‌ర్శ‌కుడు. ఇందులో మ‌హేష్ క‌త్తి న‌టిస్తున్నాడు. ప‌వ‌న్‌కి అభిమానిగా. మ‌హేష్ ఈ పాత్ర కు ఒప్పుకోవ‌డం ఓ వింత అయితే, మ‌హేష్ ని తీసుకోవాల‌న్న ఆలోచ‌న రావ‌డం మ‌రో ఆశ్చ‌ర్య‌క‌ర‌మైన విష‌యం. అన్న‌ట్టు ప‌వ‌ర్ స్టార్‌లోనూ మ‌హేష్ క‌త్తి న‌టించాడు. ప‌వ‌న్ ని ఇంట‌ర్వ్యూ చేసే జ‌ర్న‌లిస్టు పాత్ర అది. ఈసినిమాకి కౌంట‌ర్ గా తీస్తున్న `ప‌రాన్న‌జీవి`లోనూ మ‌హేష్‌కి ఓ పాత్ర ప‌డ‌డం, అందులోనూ ప‌వ‌న్ అభిమాని కావ‌డం షాకింగ్ న్యూసే.