చిరంజీవి 150వ సినిమా సెట్స్‌పైకి వెళ్ల‌డానికి రంగం సిద్ధ‌మ‌వుతోంది. క‌త్తిలాంటోడు స్ర్కిప్టు పూర్తి స్థాయిలో రెడీ అవ్వ‌డంతో చిరు.. షూటింగ్‌కి గ్రీన్ సిగ్న‌ల్ ఇచ్చిన సంగ‌తి తెలిసిందే. జూన్ మొద‌టి వారంలోనే క‌త్తికి క్లాప్ కొట్టేస్తారు. అయితే… ఈ షెడ్యూల్‌లో చిరంజీవి పాల్గొన‌డం లేద‌ని టాక్‌. చిరు లేని సన్నివేశాల్ని ముందుగా షూట్ చేస్తార‌ని తెలుస్తోంది. చిరు క‌త్తి సినిమా కోసం కాస్త స్లిమ్ అయ్యే ప్ర‌య‌త్నాలు మొద‌లెట్టారు. అయితే.. ఆ ఎఫుక్ట్ ఇంకా ఆయ‌న లుక్‌పై క‌నిపించ‌డం లేదు. ఇప్ప‌టికి 6 కిలోలు త‌గ్గిన చిరు… మ‌రో 4 కిలోలు త‌గ్గాల‌ని టార్గెట్ ఫిక్స్ చేసుకొన్నార్ట. పూర్తి స్థాయిలో త‌గ్గిన త‌ర‌వాత.. కెమెరా ముందుకు రావాల‌ని నిర్ణ‌యించుకోవ‌డంతో.. తొలుత చిరు లేని మిగిలిన సన్నివేశాల్ని తెర‌కెక్కించాల‌న్న ఆలోచ‌న‌లో ఉంది చిత్ర‌బృందం.
త‌మిళ క‌త్తిలో సంతానం చేసిన పాత్ర‌కు సునీల్‌ని సంప్ర‌దించిన సంగ‌తి తెలిసిందే. సునీల్ కాల్షీట్లు ఖాళీ లేక‌పోవ‌డంతో ఆ ఛాన్స్ వెన్నెల కిషోర్‌క ద‌క్కిన‌ట్టు తెలుస్తోంది. క‌థానాయిక‌గా అనుష్క పేరు దాదాపుగా ఖాయ‌మైపోయిన‌ట్టే. త్వ‌ర‌లోనే చిత్ర‌బృందం ఆ విష‌యాన్ని అధికారికంగా ప్ర‌క‌టించే అవ‌కాశాలున్నాయి.
