గోపీచంద్‌, శ్రీ‌నువైట్ల కాంబినేషన్ లో ఓ సినిమా రూపొందుతోంది. ఈ సినిమా టైటిల్ ని చిత్రబృందం అధికారికంగా ప్రక‌టించ‌లేదు. అయితే ఈ చిత్రానికి ‘విశ్వం’ అనే టైటిల్ ఖ‌రారు చేశారని గతంలో తెలుగు 360 ఎక్స్‌క్లూజీవ్‌ గా వెల్లడించింది. ఇప్పుడీ టైటిలే ఫైనల్ అయ్యింది. ఇందులో కథానాయికగా నటిస్తున్న కావ్య థాపర్ ఈ పేరుని అఫీషియల్ గా కన్ఫర్మ్ చేసింది. రవితేజ ‘ఈగల్’ లో హీరోయిన్ గా నటిస్తోంది కావ్య. ఈవారం సినిమా ప్రేక్షకుల ముందుకు వస్తున్న నేపధ్యంలో మీడియాతో ముచ్చటించింది. ఈ చిట్ చాట్ లో గోపీచంద్ సినిమా టైటిల్ ‘విశ్వం’ అని ఖరారు చేసింది. అలాగే రామ్ పూరి జగన్నాథ్ సినిమా డబుల్ ఇస్మార్ట్ లో ఒక హీరోయిన్ గా నటిస్తోంది కావ్య. ఇందులో హీరోయిన్స్ ఎవరనేది ఇంకా టీం అఫీషియల్ గా చెప్పలేదు. కానీ కావ్య ఆ విషయాన్ని అధికారికంగా తెలియజేసింది. విశ్వం విషయానికి వస్తే వేణు దోనేపూడి ఈ సినిమాని నిర్మిస్తున్నారు. దాదాపు ఫారిన్ లోకేషన్స్ లోనే సినిమాని చిత్రీకరిస్తున్నారు. చైతన్ భరద్వాజ్ మ్యూజిక్.