తెలంగాణ లో రిటైర్డ్ అధికారులందరికీ నిజంగానే రిటైర్మెంట్ ప్రకటించాలని రేవంత్ రెడ్డి ప్రభుత్వం నిర్ణయించింది. గత ప్రభుత్వ హయాంలో రిటైరయినప్పటికీ తమ పదవుల్లో పాతుకుపోయిన వారు ప్రభుత్వ పెద్దల వద్దకు వెళ్లి ఉత్తర్వులు తెచ్చుకుని అదే పదవిలో కొనసాగుతున్నారు. అలాంటి వారిపై దృష్టి పెట్టాలని ఇప్పటికే నిర్ణయం తీసుకున్నారు.

రిటైర్ అయిన తర్వాత కూడా సర్వీసుల్లో కొనసాగుతున్న వారి లిస్ట్ పంపాలని అన్ని విభాగాలకు తాజాగా సర్క్యులర్ జారీ చేశారు. 17వ తేదీ సాయంత్రం 5 గంటల లోపు పంపాలని అన్ని శాఖలకు ఆదేశించారు. కేసీఆర్ హయాంలో ఇష్టారాజ్యంగా రిటైర్ అయిన ఆఫీసర్లను కొనసాగించిన బీఆర్ఎస్ నేతలు.. తమకు అనుకూలమైన పనులు చేయించుకున్నారన్న ఆరోపణలు ఉన్నాయి. ఇవన్నీ సరిచేయాలనే ఆలోచనలో రేవంత్ రెడ్డి ప్రభుత్వం ననిర్ణయించుకుంది.

ఇలా రిటైర్ అయినా కొనసాగుతున్న వారి వల్ల అనేక మంది అసలైన అర్హులకు అన్యాయం జిగింది. రిటైర్ అయిన వారిని కొనసాగించడం వల్ల అర్హులకు ప్రమోషన్లు రాకపోవడంతో వారంతా అసంతృప్తితో ఉన్నారు. రిటైరైనా ఇంకా ఉద్యోగంలో ఉన్న వారు వందల మంది ఉంటారని అంచనా ఉంది. ఇలాంటి వారు మొత్తం ఎంతమంది అలాంటి వారు ఉన్నారనేదానిపై బుధవారమే క్లారిటీ వచ్చే అవకాశం ఉంది. ఆ తర్వాత అందర్నీ ఇంటికి పంపనున్నారు.