కొంతమంది ఎన్నో సినిమాలకు చేస్తేగాని రాని క్రేజ్ మరొకొంతమందికి ఓకే ఒక్క సినిమాతో వచ్చేస్తుంది. స్టార్ హీరోయిన్ అవ్వాలంటే స్టార్ హీరోల సరసన ఛాన్స్ పట్టేయాలి. ఇప్పుడు ఆ ఛాన్స్ కొట్టేసి స్టార్ హీరోయిన్ గా క్రేజ్ సంపాధిస్తుంది నేను శైలజ బ్యూటీ కీర్తి సురేష్. మలయాళంలో క్రేజీ హీరోయిన్ అయిన ఈ అమ్మడు తెలుగులో నేను శైలజ అంటూ వచ్చి ఎన్నాళ్లనుండో హిట్ కోసం వేచిచూస్తున్న రామ్ కు హిట్ మజానిచ్చింది.
ఇక ఇటీవలే కోలీవుడ్ లో తను నటించిన రజిని మురుగన్ సినిమా కూడా సూపర్ సక్సెస్ అందుకుంది. అయితే నేను శైలజ హిట్ తో తెలుగు టాప్ హీరోలంతా అమ్మడిని తమ సినిమాలో తీసుకునేందుకు ట్రై చేస్తున్నట్టు వార్తలు వచ్చాయి.. ఇప్పుడు తమిళంలో కూడా కీర్తికు వరుసెంట ఆఫర్స్ వస్తున్నాయట . ఇప్పటికే ధనుష్ నటిస్తున్న రైల్ సినిమాలో ఛాన్స్ కొట్టేసిన కీర్తి సురేష్. ఇళయదళపతి విజయ్ సరసన కూడా నటించే అవకాశాలు ఉన్నాయని తెలుస్తుంది.
మొత్తానికి మలయాళ ముద్దుగుమ్మ రెండు సినిమాతోనే స్టార్ హీరోయిన్ లక్షణాలు కనిపిస్తున్నాయి. తెలుగులో రామ్ చరణ్ తని ఒరువన్ రీమేక్ సినిమాకు ఆమెను తీసుకునే ఆలోచనలో ఉన్నారట. అదే జరిగితే తెలుగు తమిళ్ లో కీర్తికి తిరుగుండదు అని చెప్పొచ్చు.
