త‌మిళ `వేదాళం`ని తెలుగులో చిరంజీవితో రీమేక్ చేస్తున్న సంగ‌తి తెలిసిందే. మెహ‌ర్ ర‌మేష్ ద‌ర్శ‌కుడు. మెహ‌ర్ ఎప్పుడో స్క్రిప్టు ప‌నుల్ని పూర్తి చేసేశాడు. న‌టీన‌టుల ఎంపికే త‌రువాయి. ప్ర‌తీ పాత్ర‌కూ మెహ‌ర్ రెండు ఆప్ష‌న్ల‌ని రాసి పెట్టాడు. చిరు టిక్ పెట్ట‌డ‌మే త‌రువాయి. `వేదాళం`లో క‌థానాయ‌కుడి చెల్లాయి పాత్ర‌కు చాలా ప్రాధాన్యం ఉంది. ఆ పాత్ర కోసం ముందు సాయి ప‌ల్ల‌విని అనుకున్నారు. రెండో ఆప్ష‌న్‌గా కీర్తి సురేష్ వ‌చ్చి చేరింది. అయితే.. ఇప్పుడు రెండో ఆప్ష‌నే ఖ‌రారైంద‌ని టాక్‌. చెల్లాయి పాత్ర‌కు చిరు కీర్తి సురేష్‌ని ఓకే చేశాడ‌ని స‌మాచారం. మిగిలిన పాత్ర‌ధారుల ఎంపిక పై ఓ నిర్ణ‌యానికి వ‌చ్చాక‌.. ఈ ప్రాజెక్టుకి సంబంధించిన అధికారిక ప్ర‌క‌ట‌న విడుద‌ల చేయ‌డానికి చిత్ర‌బృందం సిద్ధంగా ఉంది. చిరంజీవి ప్ర‌స్తుతం `ఆచార్య‌`లో న‌టిస్తున్నాడు. `ఆచార్య‌` పూర్త‌యిన వెంట‌నే ప‌ట్టాలెక్కేది `వేదాళం` రీమేకే. అందుకే.. మెహ‌ర్ అన్నీ ప‌క్కాగా రెడీ చేసుకుని ముందే సిద్ధంగా ఉండాల‌ని భావిస్తున్నాడు.