మ‌హాన‌టితో జాతీయ అవార్డు అందుకుంది కీర్తి సురేష్. త‌న చేతిలో ఇప్పుడు బోలెడ‌న్ని సినిమాలు. అయితే కీర్తి సురేష్ త్వ‌ర‌లో పెళ్లి చేసుకోబోతోంద‌ని, పెళ్ల‌య్యాక సినిమాలు వ‌దిలేస్తుంద‌ని ఓ వార్త హ‌ల్ చ‌ల్ చేసింది. ఓ భాజాపా నాయ‌కుడి కుమారుడితో కీర్తి పెళ్లి నిశ్చ‌య‌మైందని, ప్ర‌స్తుతం పెళ్లి ఏర్పాట్లు జ‌రుగుతున్నాయ‌ని వార్త‌లు వ‌చ్చేశాయి. వీటిపై కీర్తి సురేష్ స్పందించింది. త‌న పెళ్లిపై వ‌స్తున్న వార్త‌ల్లో ఏమాత్రం నిజం లేద‌ని, యేడాది పాటు త‌న కాల్షీట్ల‌న్నీ సినిమాల‌కే ఇచ్చేశాన‌ని, ఇక పెళ్లికి చోటెక్క‌డ‌ని ప్ర‌శ్నించింది. త‌నని సంప్ర‌దించ‌కుండా ఇలాంటి వార్త‌లు ప్ర‌చురించొద్ద‌ని మీడియాని కోరుకుంది. కీర్తి చేతిలో ప్ర‌స్తుతం అర‌డ‌జ‌ను సినిమాలున్నాయి. త‌న కెరీర్ కూడా ఈమ‌ధ్యే మొద‌లైంది. టాప్ స్టార్ హోదా ఇప్పుడిప్పుడే అనుభ‌విస్తోంది. ఇవ‌న్నీ వ‌దిలేసి కీర్తి ఎలా పెళ్లి చేసుకుంటుంది? దానికి ఇంకా స‌మ‌యం ఉంది. మ‌రి ఈలోగా ఇలాంటి పుకార్లు ఎందుకు పుట్టాయో..?
త‌న పెళ్లిపై స్పందించిన కీర్తి సురేష్
