కీర్తి సురేష్ తమిళంలో చేసిన దాదాపు సినిమాలు తెలుగులో కూడా రిలీజ్ అవుతుంటాయి. అయితే ఈ మధ్యకాలంలో కొన్ని సినిమాలు కేవలం తమిళ్ కే పరిమితమయ్యాయి. కొన్ని నెలల క్రితం ‘రఘుతాతా’ అనే సినిమా కేవలం తమిళ్ లోనే రిలీజ్ చేశారు.
ఇప్పుడు కీర్తి నుంచి ‘రివాల్వర్ రీటా’ వస్తుంది. తెలుగులో ఈ సినిమాని రిలీజ్ చేయడానికి సన్నాహాలు జరుగుతున్నాయి. ప్రొడ్యూసర్ రాజేష్ దండా ఈ సినిమా తెలుగు హక్కుల్ని ఫాన్సీ రేట్ కి దక్కించుకున్నారు. ఆయనకి డిస్ట్రిబ్యూషన్ లో అనుభవం ఉంది. పైగా నిర్మాత గా ఫామ్ లో వున్నారు. మంచి రిలీజ్ దొరికే అవకాశం ఉంది. ప్రమోషన్లు గట్టిగా చేస్తే బుజ్ రావచ్చు.
ఇకపోతే కీర్తి సురేష్ సోలోగా హిట్ కొట్టి చాలా కాలం అయింది. ఈ మధ్యకాలంలో కొన్ని లేడీ ఓరియంటెడ్ సినిమాలు చేసింది గాని అవి అనుకున్నంత ఫలితాన్ని ఇవ్వలేదు. రివాల్వర్ రీటా ఫిమేల్ సెంట్రిక్ సినిమానే. రాధిక శరత్ కుమార్ మరో కీలక పాత్రధారి. ఇప్పటికే రిలీజ్ అయిన ఈ సినిమా టీజర్ కాస్త కొత్తగానే అనిపించింది. ఇప్పుడు కీర్తికి సోలో హిట్ చాలా అవసరం. మరా హిట్ రివాల్వర్ రీటాతో పడుతుందో లేదో చూడాలి.
