మ‌హాన‌టిలో సావిత్రి పాత్ర‌కు ప్రాణ‌ప్ర‌తిష్ట చేసి మంచి పేరుప్ర‌ఖ్యాతుల్ని సంపాదించుకుంది కీర్తిసురేష్‌. ఈ సినిమా ద్వారా ల‌భించిన గుర్తింపుతో ఆమె కెరీర్‌లో దూసుకుపోతున్న‌ది. ప్ర‌స్తుతం ఈ అమ్మ‌డు అర‌డ‌జ‌నుకుపైగా చిత్రాల‌తో బిజీగా ఉంది. ఇప్ప‌టివ‌ర‌కు అభిన‌యం వ‌రకే ప‌రిమిత‌మైన ఈ సుంద‌రి గాయ‌నిగా అవ‌తార‌మెత్త‌డానికి సిద్ధ‌మ‌వుతున్న‌ది. వివ‌రాల్లోకి వెళితే…విక్ర‌మ్ క‌థానాయ‌కుడిగా న‌టిస్తున్న తాజా చిత్రం స్వామి స్వ్కేర్‌. 2003లో వ‌చ్చిన సామి చిత్రానికి సీక్వెల్ ఇది. ఇందులో కీర్తి సురేష్ క‌థానాయిక‌గా న‌టిస్తున్న‌ది. ఈ సినిమాలోని పుదు మెట్రో రైల్ అనే ప‌ల్ల‌వితో సాగే గీతాన్ని విక్ర‌మ్‌తో క‌లిసి ఆల‌పించింది కీర్తి సురేష్‌. ఈ పాట రికార్డింగ్ దృశ్యాల్ని చిత్ర బృందం సోష‌ల్‌మీడియాలోవిడుద‌ల చేసింది. గాయ‌నిగా మారిన కీర్తిసురేష్‌కు అభిమానుల నుంచి శుభాకాంక్ష‌లు వెల్లువెత్తాయి.