ప‌వ‌న్ క‌ల్యాణ్ – క్రిష్ సినిమా షూటింగ్ ఈరోజు హైద‌రాబాద్‌లో మొద‌లైంది. ప‌వ‌న్ క‌ల్యాణ్‌పై కొన్ని స‌న్నివేశాలు తెర‌కెక్కించే ప‌నిలో ఉన్నాడు క్రిష్‌. ఈ సినిమా కోసం క‌థానాయిక ఎంపిక ఓ కొలిక్కి వ‌చ్చిన‌ట్టు టాక్‌. ఇందులో ఇద్ద‌రు హీరోయిన్లుంటారు. ఓ నాయిక‌గా బాలీవుడ్ భామ‌ని ఎంచుకోవాల‌ని ముందు నుంచీ ప్ర‌య‌త్నం జ‌రుగుతూనే ఉంది. ఈ స్థానం ఖాయ‌మైన‌ట్టు తెలుస్తోంది. ప‌వ‌న్ ప‌క్క‌న క‌థానాయిక‌గా కైరా అద్వానీని ఎంచుకున్న‌ట్టు స‌మాచారం అందుతోంది. మ‌హేష్ బాబుతో `భ‌ర‌త్ అనే నేను`లో న‌టించింది కైరా. ఆ త‌ర‌వాత రామ్ చ‌ర‌ణ్ తో `విన‌య విధేయ రామా`లో న‌టించింది. చ‌ర‌ణ్ సినిమా ఫ్లాప్ అయినా బాలీవుడ్‌లో `అర్జున్ రెడ్డి` రీమేక్‌తో సంద‌డి చేసింది. ఆ సినిమా సూప‌ర్ హిట్ట‌య్యింది. అందుకే క్రిష్ – త‌న సినిమాలో హీరోయిన్ గా కైరాని ఫిక్స్ చేసిన‌ట్టు తెలుస్తోంది. త్వ‌ర‌లోనే కైరా ఈ సినిమా సెట్స్‌లో అడుగుపెట్టే అవ‌కాశం ఉంది. అన్న‌ట్టు ఈ చిత్రానికి ఎం.ఎం.కీర‌వాణి సంగీతం అందిస్తున్నారు. ప‌వ‌న్ చిత్రానికి కీర‌వాణి ప‌నిచేయ‌డం ఇదే తొలి సారి.