ఇండ‌స్ట్రీలో నిల‌దొక్కుకోవ‌డానికీ, దూసుకెళ్లిపోవ‌డానికి బ్యాక్ గ్రౌండ్ ఉండాల్సిన అవ‌స‌రం లేద‌ని నిరూపిస్తున్న ఈ త‌రం హీరోల్లో కిర‌ణ్ అబ్బవ‌రం ఒక‌డు. ‘రాజా వారు రాణీగారు’, ‘ఎస్‌.ఆర్‌.క‌ల్యాణ మండ‌పం’, ‘విన‌రో భాగ్య‌ము విష్ణు క‌థ‌’ సినిమాల‌తో త‌న‌కంటూ ఓ క్రేజ్ తెచ్చుకొన్నాడు. మ‌ధ్య‌మ‌ధ్య‌లో కొన్ని ఆటు పోట్లు వ‌చ్చాయి. అయితే.. త‌న చేతిలో అవ‌కాశాల‌కు మాత్రం కొద‌వ లేకుండా పోయింది. ఇప్పుడు త‌న చేతిలో రెండు సినిమాలున్నాయి.

క‌రుణ అనే కొత్త కుర్రాడ్ని ద‌ర్శ‌కుడిగా ప‌రిచ‌యం చేస్తూ ఓ సినిమా ప‌ట్టాలెక్కించాడు కిర‌ణ్ అబ్బ‌వ‌రం. దీనికి ‘దిల్ రుబా’ అనే క్యాచీ టైటిల్ ఖ‌రారు చేశారు. ఇదో యూత్ ఫుల్ ల‌వ్ స్టోరీ. మ‌రోవైపు సందీప్ – సుజిత్ అనే ద‌ర్శ‌క ద్వ‌యం చెప్పిన క‌థ కు ఓకే చెప్పాడు. 1980 నేప‌థ్యంలో సాగే పిరియాడిక్ డ్రామా ఇది. ఇందులో కిర‌ణ్ పోస్ట్ మెన్ గా క‌నిపించ‌బోతున్నాడ‌ని తెలుస్తోంది. 1980 నాటి కాలంలో.. పోస్ట్ మెన్ వార్త‌ల వార‌ధి. ప్ర‌తీ ఇంటితోనూ త‌న‌కు ఓ అనుబంధం ఉండేది. అప్ప‌టి పోస్ట్ మెన్ జీవితాన్ని ఈ సినిమాలో క‌ళ్ల‌కు క‌ట్టిన‌ట్టు చూపించ‌బోతున్నార్ట‌. ఈ సినిమాలో కిర‌ణ్ గెట‌ప్‌, సెట‌ప్ అన్నీ కొత్త‌గా ఉండ‌బోతున్నాయ‌ని, ఈ సినిమా కోసం కిర‌ణ్ అహ‌ర్నిశ‌లూ క‌ష్ట‌ప‌డుతున్నాడ‌ని తెలుస్తోంది. ఈ సినిమా కోసం ఓ వెరైటీ టైటిల్ నీ ఖ‌రారు చేశారు. త్వ‌ర‌లోనే ఈ టైటిల్ ప్ర‌క‌టిస్తారు. ఈ యేడాదే ఈ రెండు సినిమాలూ విడుద‌ల కాబోతున్నాయి.