ద‌ర్శ‌క దిగ్గ‌జం అనిపిలిపించుకొనేంత స్థాయి.. కోడి రామ‌కృష్ణ‌ది. ఆయ‌న ముట్టుకోని జోన‌ర్ లేదు. ఆయ‌న ప‌ట్టుకోని క‌థాంశం లేదు. ఫ్యామిలీ డ్రామాలు, మెసేజ్ ఓరియెంటెడ్ క‌థ‌లు, భ‌క్తి చిత్రాలు, నాయికా ప్రాధాన్యం ఉన్న సినిమాలు… ఒక్క‌టేంటి అన్నిర‌కాల సినిమాలూ తీశారు. కొంత‌కాలంగా ఆయ‌న ద‌ర్శ‌క‌త్వానికి దూరంగా ఉన్నారు. ఇప్పుడు మ‌రోసారి మెగా ఫోన్ ప‌ట్టుకోబోతున్నారు. నూత‌న తార‌ల‌తో కోడి రామ‌కృష్ణ ఓ చిత్రాన్ని తెర‌కెక్కించ‌బోతున్నారు. ప్ర‌స్తుతం క‌థ రెడీ చేసే ప‌నిలో ఉన్నారు. ఇదో లేడీ ఓరియెంటెడ్ సినిమా. ఇద్ద‌రు హీరోలుంటార‌ట‌. ప్ర‌స్తుతం ప్ర‌ధాన పాత్ర‌ల కోసం స్ర్కీనింగ్ టెస్ట్ జ‌రుగుతోంది. త్వ‌ర‌లోనే ఈ చిత్రం సెట్స్‌పైకి వెళ్ల‌బోతోంది.

పుట్ట‌ప‌ర్తి స‌త్య‌సాయి జీవిత క‌థ ఆధారంగా ఓ సినిమా మొద‌లెట్టారు కోడిరామ‌కృష్ణ‌. అదెందుకో ఆగిపోయింది. మ‌ధ్య‌లో ఆయ‌న ఆరోగ్యం కూడా స‌హ‌క‌రించలేదు. ఆయ‌న ద‌ర్శ‌క‌త్వంలో వ‌చ్చిన అవ‌తారం ఆక‌ట్టుకోలేక‌పోయింది. దాంతో కోడి రామ‌కృష్ణ సినిమాల‌కు దూర‌మ‌య్యారు. ఇప్పుడు మ‌ళ్లీ మెగాఫోన్ ప‌ట్టుకోబోతున్నారు. ఈసారి ఏం చేస్తారో చూడాలి.