కోనా పెన్నుకు ఎంత పదును ఉంటుందో ఆయన రాసిన మాటలు వింటే మనకు అర్ధమవుతుంది. ‘మైండ్ లో ఫిక్స్ అయితే బ్లైండ్ గా వెళ్లిపోయే’ కోనా ఒక్కసారి కమిట్ అయితే నా మాట నేనే వినను అనుకునే టైపు. ఈరోజు కోనా నిర్మాణ సారధ్యంలో వచ్చిన సినిమా శంకరాభరణం విడుదల అయ్యింది. నిఖిల్, నందిత జంటగా నటించిన ఈ సినిమాకు కథ, కథనాలు కోనా వెంకట్ అందించడం విశేషం. సినిమాలో కూడా తన మార్క్ మాటలతో అందరిని ఆకట్టుకున్నాడు కోనా వెంకట్. సినిమా హిట్టా ఫట్టా అన్నది పక్కన పెడితే కోనా రాసిన మాటలు మాత్రం ప్రేక్షకులను ఆకట్టుకుంటున్నాయి.
అయితే ఈమధ్య సోషల్ మీడియాల్లో హడావిడి చేస్తున్న ఎన్నారైల గురించి కూడా సినిమా ప్రస్తావించాడు కోనా వెంకట్. సీనియర్ నటుడు కమెడియన్ ఆలిని అసభ్యకరంగా నోటికొచ్చినట్టు తిట్టి వీడియో యూ ట్యూబ్ లో అప్ లోడ్ చేసిన సంగతి తెలిసిందే. అయితే అలాంటి వారికి సినిమాలో షాక్ ఇచ్చాడు కోనా వెంకట్. సినిమాలో ఒక సన్నివేశంలో దర్శకుడిగా కృష్ణ భగవాన్, హీరోగా భజరంగి గిరి చేశారు.
ఆ సన్నివేశంలో హీరో ఎన్నారైలకు ఇది నచ్చదు అని చెప్పించిన కోనా మీ ఎన్నారైలు ఏముంది లేమ్మా.. సినిమా నచ్చితే ఓకే లేదంటే వీడియో తీసి యూట్యూబ్ లో పెట్టేస్తారు అంటూ సెటైరికల్ గా పంచ్ వేశాడు కోనా వెంకట్. ప్రస్తుతం అందరి ఫోకస్ అంతా సినిమా వాళ్ల మీదే ఉండటం విశేషం. వారు ఎక్కడ నోరు జారి మాటంటారా ఎక్కడ వాళ్ల గాలి తీసేద్దామా అన్నట్టు పని పాట లేకుండా కూర్చుని చూసే వారు చాలా మందే ఉన్నారు. మరి కోనా రాసిన ఈ డైలాగులు వారికి ఎంతవరకు చేరుకుంటాయో చూడాలి.
