కూల్ అండ్ ఫ్యామిలీ ఎంటర్టైనర్ లను తీస్తూ రచయిత కమ్ దర్శకుడిగా తనకంటూ ఓ స్పెషల్ ఇమేజ్ ఏర్పరచుకున్నారు దర్శకుడు దశరథ్. దర్శకుడిగా మంచి ప్రతిభ గల దశరథ్ కింగ్ నాగార్జున, ప్రభాస్ లాంటి స్టార్ హీరోలతో సినిమాలు తీసి హిట్ కొట్టాడు. అయితే ఓ రేంజ్ మాస్ ఇమేజ్ ఉన్న ప్రభాస్ కు మిస్టర్ పెర్ఫెక్ట్ అని సింపుల్ అండ్ డిఫరెంట్ సినిమాతో హిట్ కొట్టాడు దశరథ్. ప్రభాస్ కు ఫ్యామిలీ ఇమేజ్ ను తీసుకువచ్చిన మిస్టర్ పర్ఫెక్ట్ మంచి విజయాన్ని అందుకుంది.
ఇక ఆ సినిమా హిట్ తర్వాత మరో సినిమా ప్రభాస్ తో చేసే అవకాశం ఉన్నా చేయని దశరథ్ ప్రస్తుతం శౌర్య అంటూ మంచు మనోజ్ సినిమాను డైరెక్ట్ చేశాడు. సినిమా మీద పూర్తి భరోసాతో ఉన్న దశరథ్ కచ్చితంగా సూపర్ హిట్ అనేస్తున్నాడు. అంతేకాదు మళ్లీ ప్రభాస్ తో మరో సినిమా ఉంటుందని అభిప్రాయాన్ని వ్యక్తం చేశాడు. ఐతే బహుబలితో సూపర్ క్రేజ్ సంపాదించిన ప్రభాస్ దశరథ్ తో మళ్లీ ఎలాంటి సినిమా తీస్తాడో చూడాలి.
