గురువారం విడుదలైన యంగ్ టైగర్ ఎన్.టి.ఆర్ నాన్నకు ప్రేమతో కేవలం ఏ క్లాస్ ఆడియెన్స్ ఇంకా మల్టీప్లెక్స్ వారినే ఆకట్టుకుంటుంది అని టాక్ వినిపిస్తుంది. సినిమాలో ఎన్.టి.ఆర్ నటనకు మంచి మార్కులు పడుతున్నా తనకు ఎక్కువగా ఫాలోయింగ్ ఉన్న మాస్ ఎలిమెంట్స్ సినిమాలో మిస్ అయ్యాయని ప్రేక్షకులు కూడా పెదవి విరిచేస్తున్నారు. అయితే ఈ అంశాలన్ని ఎన్.టి.ఆర్ తో తర్వాత సినిమా చేస్తున్న కొరటాల శివకు కలిసొస్తున్నట్టుగా అనిపిస్తుంది.
నవంబర్ లో ముహుర్తం పెట్టుకున్న కొరటాల శివ, ఎన్.టి.ఆర్ కాంబినేషన్ లో వస్తున్న ‘జనతా గ్యారేజ్’ మూవీ ఫిబ్రవరి నుండి రెగ్యులర్ షూట్ జరుగనుంది. అయితే నాన్నకు ప్రేమతో బ్లాక్ బస్టర్ హిట్ అయితే ఆ అంచనాలను జనతా గ్యారేజ్ అందుకోడానికి కష్టపడాల్సి ఉండేది. అదీగాక కొరటాల శివ సినిమాలన్ని కాన్సెప్ట్ ఓరియెంటేడ్ సినిమాలు కాబట్టి చిన్నగా ఎక్కుతాయి. సో నాన్నకు ప్రేమతో యావరేజ్ టాక్ రావడం కూడా కొరటాల శివను ఆనందపరుస్తుందని తెలుస్తుంది.
సమంత హీరోయిన్ గా నటిస్తున్న ఈ సినిమా మైత్రి మూవీ మేకర్స్ నిర్మిస్తున్నారు. సినిమా కోసం ఇప్పటికే ఫిల్మ్ సిటీలో ఓ షెడ్ సెట్ వేసినట్టు సమాచారం. నాన్నకు ప్రేమతో సినిమా కోసం ఇంతకాలం కష్టపడ్డ ఎన్టీఆర్ జనతా గ్యారేజ్ షూటింగ్ లో ఫిబ్రవరి నుండి జాయిన్ అవ్వనున్నాడు.
