ఎన్టీఆర్ – కొర‌టాల శివ కాంబినేష‌న్‌లో ఓ చిత్రం రూపుదిద్దుకొంటున్న సంగ‌తి తెలిసిందే. జాన్వీ క‌పూర్ ఈ సినిమాతో టాలీవుడ్ లో అడుగు పెడుతోంది. ఈనెలాఖ‌రున షూటింగ్ ప్రారంభిస్తారు. అయితే ఇప్ప‌టి వ‌ర‌కూ ఈ సినిమాలో ప్రతినాయ‌కుడెవ‌ర‌న్న‌ది తేల‌లేదు. ఆర్‌.ఆర్‌.ఆర్ త‌ర‌వ‌త ఎన్టీఆర్‌కి ద‌క్కిన ఇమేజ్ ని దృష్టిలో ఉంచుకొని, పాన్ ఇండియా స్థాయిలో ఈ చిత్రాన్ని రూపొందిస్తున్నారు. బాలీవుడ్ నుంచే విల‌న్ ని దిగుమ‌తి చేయాల‌న్న‌ది ప్లాన్. అందుకోసం చాలా పేర్లు ప‌రిశీల‌న‌లో ఉన్నాయి. సైఫ్ అలీఖాన్‌ని విల‌న్ గా తీసుకొస్తున్నార‌ని, ఆయ‌న రాక ఖాయ‌మ‌ని వార్త‌లు వినిపిస్తున్నాయి. అయితే.. ఈ వార్త‌ల్లో ఎలాంటి నిజం లేద‌ని తేలింది. సైఫ్ ఈ సినిమాలో న‌టించ‌డం లేదని, ఇప్ప‌టి వ‌ర‌కూ విల‌న్ ని ఖాయం చేయ‌లేద‌ని… స‌న్నిహిత వ‌ర్గాలు చెబుతున్నాయి. కొర‌టాల ముందున్న‌టార్గెట్.. ప్ర‌స్తుతం విల‌న్ ని దొర‌క‌పుచ్చుకోవ‌డ‌మే. ఇప్ప‌టి వ‌ర‌కూ తెలుగు తెర చూడ‌ని విల‌న్ అయితే బాగుంటుంద‌న్న‌ది ఆయ‌న ఆలోచ‌న‌. అందుకే వేట ముమ్మ‌రం చేశారు. ఓ వారం రోజుల్లో విల‌న్ ఎవ‌రో తేలిపోతుంద‌ని స‌మాచారం.