ర‌చ‌యిత రాణించి, ఆ త‌ర‌వాత కెప్టెన్ కుర్చీలో కుర్చున్న‌వాళ్లు చాలామంది ఉన్నా, రాణించిన‌వాళ్లు త‌క్కువే. త్రివిక్ర‌మ్ త‌ర‌వాత‌.. ఆ స్థాయిలో హిట్లు కొట్టిన ద‌ర్శ‌కుడు కొర‌టాల శివ‌. తొలి ప్ర‌య‌త్న‌మే ప్ర‌భాస్‌తో. ఆ త‌ర‌వాత ఇక వెనుదిరిగి చూడాల్సిన అవ‌స‌రం లేకుండా పోయింది. ఎన్టీఆర్‌తో ఓసినిమా, మ‌హేష్‌తో రెండు సినిమాలూ పూర్తి చేసేశాడు కొర‌టాల‌. ఇప్పుడు చిరంజీవితో సినిమా చేస్తున్నాడు. ఆ సినిమాలో చ‌ర‌ణ్ కూడా ఉన్నాడు. సో.. ఒకేసారి ఇద్ద‌రు హీరోల్ని డీల్ చేస్తున్నాడన్న‌మాట‌. ఈత‌రం స్టార్ హీరోల్లో ప్ర‌భాస్‌, ఎన్టీఆర్‌, మ‌హేష్‌, చ‌ర‌ణ్‌… అంద‌రితోనూ ప‌నిచేశాడు. ఇక మిగిలింది అల్లు అర్జున్ మాత్ర‌మే.

కొర‌టాల నెక్ట్స్ టార్గెట్ కూడా బ‌న్నీనే. ఇది వ‌ర‌కే బ‌న్నీతో ప‌లు ద‌ఫాలుగా చ‌ర్చ‌లు జ‌రిపాడు కొర‌టాల‌. ఎట్ట‌కేల‌కు ఈ కాంబో సెట్ట‌య్యింది. బ‌న్నీతో కొర‌టాల సినిమా ఖాయ‌మైంది. బ‌హుశా.. పుష్ష త‌ర‌వాత ప‌ట్టాలెక్కే బ‌న్నీ సినిమా ఇదే కావొచ్చు. పుష్ష‌తో పాన్ ఇండియా ప్ర‌య‌త్నం చేస్తున్నాడు అల్లు అర్జున్‌. కొర‌టాల సినిమా కూడా అదే స్థాయిలో ఉండ‌బోతోంద‌ట‌. బ‌న్నీతో సినిమా చేస్తే.. ఈ త‌రం టాప‌ర్స్ అంద‌రితోనూ ఓ రౌండ్ వేసిన‌ట్టు అవుతుంది. ప్ర‌భాస్‌తో కొర‌టాల మ‌రో సినిమా చేస్తాడ‌ని జోరుగా ప్ర‌చారం జ‌రుగుతోంది. మ‌రి అదెప్పుడో చూడాలి.