ర‌వితేజ‌ని ఫుల్ ఎన‌ర్జీతో చూసి చాలా రోజులైంది. బ‌హుశా.. త‌న‌కు హిట్ కూడా అందుకే దూర‌మైపోయిందేమో..? `ఈసారి ర‌వితేజ హిట్ కొట్టేస్తాడు` అనే ధీమాని ముందు నుంచీ క‌లిగిస్తున్న సినిమా `క్రాక్‌`. శ్రుతిహాస‌న్ క‌థానాయిక‌గా న‌టిస్తోంది. సంక్రాంతికి ఈ సినిమా విడుద‌ల కానుంది. ఈరోజు ట్రైల‌ర్ బ‌య‌ట‌కు వ‌చ్చింది.

రెండు నిమిషాల నిడివి ఉన్న ట్రైల‌ర్ ఇది. ప్ర‌తీ షాటూ… ప‌వర్‌ఫుల్ గా ఉంది. విక్ర‌మార్కుడులోని విక్ర‌మ్ రాథోడ్ లా ప‌వ‌న్ ఫుల్ పోలీస్ పాత్ర‌లో.. ర‌వితేజ క‌నిపిస్తున్నాడు. వెంక‌టేష్ వాయిస్ ఓవ‌ర్ తో ట్రైల‌ర్ మొద‌లైంది. అక్క‌డ్నుంచి అంతా ర‌న్నింగ్ రేసే. `చిన్న బ్రేక్ ఇచ్చానంతే. ఈ లోపు ఎన్ని యాడ్లు వేసేసుకుంటావో వేసేస్కో..` అంటూ ర‌వితేజ త‌న‌దైన శైలిలో పేల్చిన డైలాగ్.. మాస్‌కి బాగా న‌చ్చేస్తుంది. ఒంగోలు నేప‌థ్యంలో సాగే క‌థ‌. అక్క‌డ ముగ్గురు తోపుల్ని… ఓ మాస్ పోలీస్ ఎలా దారిలోకి తెచ్చాడో? ఒంగోలు న‌డిరోడ్డుపై ఎలా నిల‌బెట్టాడో.. చెప్పే క‌థ ఇది. స‌ముద్ర‌ఖ‌ని, వ‌ర‌లక్ష్మీ శ‌ర‌త్ కుమార్ ప్ర‌తినాయ‌క పాత్ర‌ల్లో క‌నిపించ‌నున్నారు. త‌మ‌న్‌ సంగీతం అందిస్తున్నాడు. ఇప్ప‌టికే `భూమ్ బ‌ద్ద‌లు` పాట మాస్ కి న‌చ్చేసింది. ఈ సంక్రాంతికి `క్రాక్‌` ఫుల్ మాస్ మీల్స్ పెట్టేస్తుంద‌న్న ధీమా మాత్రం క‌లిగింది.