గౌత‌మిపుత్ర శాత‌క‌ర్ణి త‌ర‌వాత క్రిష్ సినిమా ఏంట‌న్న విష‌యంలో ఓ క్లారిటీ వ‌చ్చేసింది. ప్ర‌స్తుతం ఆయ‌న బాలీవుడ్‌లో `మ‌ణిక‌ర్ణిక` అనే ఓ సినిమా చేయ‌బోతున్నారు. ఝాన్సీ ల‌క్ష్మీబాయ్ జీవిత క‌థ ఆధారంగా తెర‌కెక్కే చిత్ర‌మిది. కంగ‌నార‌నౌత్ టైటిల్ పాత్ర‌ని పోషించ‌బోతోంది. ఈ చిత్రానికి విజ‌యేంద్ర ప్ర‌సాద్ క‌థ‌ని అందించారు. హిందీతో పాటు తెలుగు, త‌మిళ భాష‌ల్లోనూ ఈ చిత్రాన్ని రూపొందించే అవ‌కాశాలున్నాయి. ప్ర‌స్తుతం క్రిష్ ముంబైలో ఉన్నారు. అక్క‌డ నిర్మాణ సంస్థ‌తో ఆయ‌న సంప్ర‌దింపులు జ‌రుపుతున్నారు. ఇప్ప‌టికే పూర్తి స్థాయిలో స్క్రిప్టు సిద్ధ‌మైంది. జూన్‌లో ఈ సినిమా సెట్స్‌పైకి వెళ్ల‌బోతోంది.
క్రిష్ నుంచి వ‌చ్చిన కంచె, గౌత‌మిపుత్ర.. రెండూ యుద్ధం నేప‌థ్యంలో రూపొందిన క‌థ‌లే. త‌క్కువ బ‌డ్జెట్‌లోనే వార్ ఎపిసోడ్స్‌ని చాలా తెలివిగా ప్ర‌భావ‌వంతంగా తీర్చిదిద్దాడు క్రిష్. ఆ నైపుణ్య‌మే బాలీవుడ్‌లో సినిమా అవ‌కాశాన్ని తెచ్చి పెట్టింది. దాదాపుగా రూ.100 కోట్ల బ‌డ్జెట్ ఈ సినిమా కోసం కేటాయించిన‌ట్టు తెలుస్తోంది. ప్ర‌స్తుతం న‌టీన‌టులు, సాంకేతిక నిపుణుల్ని ఎంపిక చేసుకొనే ప‌నిలో ఉన్నారు క్రిష్. తెలుగు నుంచీ కొంత‌మంది న‌టీన‌టుల‌కు ఛాన్స్ అందే అవ‌కాశం ఉన్న‌ట్టు తెలుస్తోంది.
