నందమూరి నట సింహం బాలకృష్ణ 100వ సినిమా ఏదవుతుందా అని అభిమానులు తెగ ఉత్సాహంగా ఎదురుచూస్తున్నారు. అయితే సింగీతం శ్రీనివాస్ దర్శకత్వంలో ‘ఆదిత్య 369’ సీక్వల్ చేసేందుకు ఇప్పటికే రంగం సిద్ధం కావడంతో అందరు ఆ సినిమానే బాలయ్య 100వ సినిమాగా వస్తుంది అని అనుకుంటున్నారు. అయితే విలక్షణ సినిమాలను తీస్తూ దర్శకుడిగా తనకంటూ ఒక ప్రత్యేకతను ఏర్పరచుకున్న క్రిష్ ఈ మధ్య యువరత్నకు ఓ కథ వినిపించాడట.
కథ విన్న బాలయ్య ఇంప్రెస్ అయ్యి డెవెలప్ చేయమన్నాడని సమాచారం. ప్రస్తుతం సినిమా స్టార్ట్ అయ్యేంత వరకు రాజకీయ సమావేశాల్లో బిజీగా ఉంటున్న బాలయ్య బాబు తన వందో సినిమాగా క్రిష్ సినిమా చేసినా చేయొచ్చనే వాదనలు వినిపిస్తున్నాయి. క్రిష్ రాసిన కథ కూడా ఓ హిస్టారికల్ మూవీ అట. అందుకే బాలయ్య దాని మీద ఇంట్రెస్ట్ చూపిస్తున్నట్టు తెలుస్తుంది. మరి సింగీతం శ్రీనివాస్, అనీల్ రావిపూడి, బోయపాటి శ్రీను, కొత్తగా క్రిష్ వీరిలో ఎవరు బాలయ్య వందో సినిమా చేస్తారో బాలయ్యకే తెలియాలి.
